Bauma de Ranconha

Un article de Wikipèdia, l'enciclopèdia liura.
Salta a la navegació Salta a la cerca

La bauma de Ranconha es un daus sites mai importants en ratapenadas o quiropters de França. Se tròba en Charanta Occitana, dins lo País d'Òrta e Tardoira, au sud de la Ròcha Focaud e a l'est d'Engoleime. Fai partida dau malhum Natura 2000.

Lo vilatge susplomba Tardoira, un sosafluent de Charanta.

S'i accedís per 6 entradas, sos un bòsc de jarrics, prep de Tardoira. 'Quelas entradas se tròban dins 'na proprietat privada; la visita n'es enebida sens autorizacion especiala per fin de perturbar pas las colonias de ratapenadas sensiblament en periòde d'ivernatge e de reproduccion.

Geografia[modificar | modificar la font]

'Quelas bauma se formet au cors daus temps dins los calcaris jurassics dau carst de la Ròcha Focaud. Las aigas de Tardoira s'engorgueren dins lo carst, creant un ensemble de cròs senhalats per lo paire Chabenat en 1784, puei explorats en 1822 per Peire Espinhat. Seguissent las descripcions de l'epòca, un passatge estrech mena a 'na prumiera sala elliptica; chau de las eschalas per aténher las galariás superioras e 'na sala apelada lo « tombeu d'Abel ». Totas las salas presentan de las estalactitas, de las estalagmitas, de las colomnas e de las lamas sonoras apeladas « piano de Ranconha ».

Liams externes[modificar | modificar la font]