Batalha de la Fortelesa de Brest
La batalha de la Fortelesa de Brest se debanèt entre lo 22 e lo 29 de junh de 1941 dins lo corrent de la Segonda Guèrra Mondiala. Opausèt una division alemanda sostenguda per d'unitats d'artilhariá e de blindats (17 000-20 000 òmes) a la garnison sovietica de la fortalesa que gropava 9 000 òmes d'origina despariada (armada regulara, gardafrontieras e unitats dau NKVD).
Maugrat son inferioritat numerica e la manca d'avitalhament, lei defensors opausèron una resisténcia acarnada que durèt nòu jorns e venguèt un simbòl de la resisténcia sovietica. Leis Alemands perdiguèron aperaquí 1 100 soudats (429 tuats e 668 bleçats) e lei Sovietics la quasi totalitat de la garnison (aperaquí 2 000 tuats e 6 800 presoniers). Pasmens, certanei soudats capitèron de s'escapar e contunièron lo combat fins a la fin de julhet dins lo relarg de la fortalesa.