Batalha de la Wilderness

Un article de Wikipèdia, l'enciclopèdia liura.
(Redirigit dempuèi Batalha de Wilderness)
Salta a la navegació Salta a la cerca
Campanha de Richmond-Petersburg e començament dau sètge de la region per lei Nordistas.

La batalha de la Wilderness' se debanèt dau 5 au 7 de mai de 1864 durant la Guèrra de Secession (1861-1865). Opausèt una armada unionista de 102 000 òmes comandada per lo generau Ulysses S. Grant ai fòrças sudistas de Robert E. Lee (60 000 òmes). S'acabèt per un resultat indecís qu'es generalament considerat coma un succès defensiu confederat.

Après lei combats de 1863, leis armadas nordistas e sudistas s'installèron lòng de la Rapidan River per passar l'ivèrn. A la prima, lo generau Grant decidèt de passar lo riu per atacar dirèctament son adversari. De son caire, lo generau Lee lo laissèt realizar son movement per atacar seis alas e lei combats comencèron lo 5 de mai après lo rescòntre deis avans-gàrdias. En despiech de son inferioritat numerica, lei Sudistas aprofichèron sa conoissença dau terrenh per infligir de pèrdas a son adversari. Dins aquò, poguèron pas menar de còntra-ofensivas capablas de rompre lei linhas nordistas. Lo 7, en fàcia d'aqueu blocatge, Grant decidèt de desengatjar sei fòrças per contornejar lo dispositiu confederat per l'èst, çò que menèt a la batalha de Spotsylvania (8-21 de mai de 1864) e a la campanha de Richmond-Petersburg que s'acabèt per lo sètge de la capitala sudista.

Au nivèu uman, aqueu premier combat de la campanha s'acabèt per de pèrdas de 17 000 per lei Nordistas[1] còntra 10 000 per lei Sudistas[2]. Dins aquò, Grant dispausava de renfòrç pus importants per tornar formar seis efectius.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. 2 246 tuats, 12 037 bleçats e 3 383 presoniers ò dispareguts.
  2. 1 495 tuats, 7 928 bleçats e 1 702 presoniers ò dispareguts.