Batalha de Spotsylvania

Un article de Wikipèdia, l'enciclopèdia liura.
Salta a la navegació Salta a la cerca
Campanha de Richmond-Petersburg e començament dau sètge de la region per lei Nordistas.

La batalha de Spotsylvania se debanèt dau 9 au 21 de mai de 1864 durant la Guèrra de Secession (1861-1865). Opausèt una armada nordista de 100 000 menats per lo generau Ulysses S. Grant ai 52 000 òmes dau generau sudista Robert E. Lee. S'acabèt per un resultat indecís qu'es generalament considerat coma un succès defensiu sudista.

Lo combat de Spotsylvania es la consequéncia de la batalha de la Wilderness (5-7 de mai de 1864). Après sa retirada d'aqueu sector, Grant assaièt de contornejar lei posicions sudistas per l'èst. Son objectiu èra de capturar lo vilatge de Spotsylvania que comandava un important aisse de comunicacion susceptible de servir a l'organizacion d'un assaut còntra Richmond, la capitala confederada. Pasmens, lei Sudistas devinèron son plan e s'installèron dins de posicions fortificadas a l'entorn de Spotsylvania. Lei combats principaus durèron dau 9 au 13 de mai. Leis Unionistas rompèron plusors linhas defensivas sudistas mai mau capitèron d'esplechar aquelei succès per destabilizar l'armada de Lee.

Fin finala, lo generau Grant arrestèt son ataca. Lei pèrdas dins lei dos camps èran fòrça importantas car lei doas armadas s'encroquèron a sei posicions. Lei Nordistas perdiguèron benlèu 18 400 òmes còntra 13 400 dins lei rengs sudistas. Après lo chaple de la batalha de la Wilderness, lo nivèu dei pèrdas laissava pensar a una fin dei combats sus lo frònt orientau per 1864. Dins aquò, lo Nòrd dispausava de ressorsas per reformar sei tropas e perseguir lo combat. Ansin, après lo 21 de mai, Grant decidèt de contuniar sei temptativas d'enceuclament per l'èst dei posicions de Lee. Aquò menèt a la batalha de North Anna (23-26 de mai de 1864).

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]