Batalha de Kiev (1941)

Un article de Wikipèdia, l'enciclopèdia liura.
Fotografia de Kiev après lei combats de 1941.

La batalha de Kiev ò operacion defensiva de Kiev[1] se debanèt dins lo corrent de la Segonda Guèrra Mondiala entre lo 7 d'aost e lo 26 de setembre de 1941. Opausèt lo Grop Sud e una partida dau Grop Centre deis armadas alemandas cargadas de l'invasion dau territòri sovietic (aperaquí 500 000 òmes dirigits per lo generau Gerd von Rundstedt) au Frònt sud-oèst de l'Armaja (au mens un milion d'òmes comandats per lo marescau Semyon Budyonny).

Lei Sovietics avián gropat de fòrças importantas per protegir Kiev après sei premierei desfachas lòng de la frontiera. Per Alemanha, i aviá alora doas chausidas possiblas : atacar Kiev, çò que necessitava de desviar una partida dau Grop Centre en direccion d'Ucraïna, ò perseguir l'avançada vèrs Moscòu. Hitler chausiguèt la premiera opcion. Atacats per lo nòrd e lo sud per d'importantei formacions blindadas, lei soudats sovietics foguèron enceucladas e subiguèron de pèrdas grèvas (700 000 tuats, bleçats ò presoniers au minimom). Pasmens, lei dos mes perduts per l'armada alemanda a l'entorn de Kiev aguèron de consequéncias decisivas sus lo debanament de la guèrra car favorizèt la defensa de Moscòu a la fin de l'annada. De mai, una partida dei soudats de l'Armada Roja refusèron de capitular e s'enfugiguèron dins de regions isoladas ont acomencèron de formar d'unitats de partisans.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]

  1. Lo premier nom, d'origina alemanda, es lo pus utilizat. Lo segond, d'origina sovietica, demora fòrça frequent en Russia.