Batalha de Hong Kong
La batalha de Hong Kong se debanèt dins lo corrent de la Segonda Guèrra Mondiala dau 8 au 25 de decembre de 1941. Foguèt la consequéncia d'una ofensiva japonesa (52 000 òmes) còntra la garnison britanica (14 000 òmes) cargada de protegir la colonia. La resisténcia dei defensors foguèt viva mai deguèron abandonar lo continent après una setmana de combats e capitular après doas setmanas de combats suplementaris. Perdiguèt oficialament 2 113 tuats e lo rèsta foguèt capturat. De son caire, l'armada japonesa aviá perdut 1 996 mòrts e 6 000 bleçats. Aperaquí 4 000 civius foguèron tuats dins lo corrent de la batalha e 3 000 bleçats. Pasmens, divèrsei chaples de presoniers ò de civius sospichats d'aver ajudat la resisténcia britanica aguèron luòc après la rediccion.