Batalha de Gembloux (1940)
La batalha de Gembloux se debanèt entre lo 14 e lo 15 de mai de 1940 durant la Segonda Guèrra Mondiala (1939-1945[1]). Opausèt de formacions blindadas, sostengudas per d'infantariá, francesa e alemanda. S'acabèt per una victòria tactica francesa rapidament annulada per l'afondrament dau front dins la region deis Ardenas.
L'enjòc de la batalha èra la vila de Gembloux, situada lòng d'un axe fòrça favorable a la progression dei veïculs, atacada lo 14 de mai per leis Alemands. La defensa francesa, sostenguda per d'importants tirs d'artilhariá, capitèt de resistir e de blocar l'avançada alemanda gràcias a de canons anticarris e de carris Renault R35. Pasmens, l'endemans, lei Francés deguèron se retirar dins de circonstàncias malaisadas (pèrda de contacte entre certaneis unitats, bombardament de l'aviacion alemanda...) per gardar lo contacte ambé leis autreis unitats francesas qu'èran a se retirar en direccion de Lille. Dins lo corrent de la batalha, leis Alemands perdiguèron au mens 700 tuats ò bleçats[2] e un tèrç dei blindats engatjats e lei Francés aperaquí 2 000 tuats, bleçats ò presoniers.
Liames intèrnes[modificar | Modificar lo còdi]
- Batalha de Hannut, autra batalha similara (12-14 de mai de 1940).