Batalha de Fredericksburg
La batalha de Fredericksburg se debanèt dau 11 au 15 de decembre de 1862 durant la Guèrra de Secession (1861-1865). Foguèt lo resultat d'una tempativa d'ofensiva dau generau nordista Ambrose Burnside (122 000 òmes) còntra Richmond, la capitala sudista. Pasmens, l'ataca foguèt alentida per de problemas d'organizacion (manca de pònts per passar lo riu Rappahannock), çò que permetèt a l'armada confederada de Robert Lee (79 000 òmes) de ben establir sei defensas. L'assaut principau s'acabèt donc per una revirada saunosa qu'entraïnèt la pèrda de 12 650 soudats unionistas còntra aquela de solament 5 380 Sudistas.