Batalha d'Ergeme
La batalha d'Ergeme se debanèt en 1560 e opausèt l'Òrdre dei Chivaliers Pòrta-Gleva au Grand Principat de Moscòu. Es la darriera batalha importanta menada per lei Chivaliers Pòrta-Gleva que foguèron durament batuts e obligats de demandar la proteccion dau rèi de Polonha-Lituània en 1561.
Lo combat aguèt luòc dins la region de Valga dins un endrech pròche de la frontiera actuala entre Letònia e Estònia. Dirigidas per lo grand mèstre Philipp Schall von Bell, lei tropas de l'Òrdre (330 òmes) se turtèron a una armada russa comandada per lo tsar Ivan lo Terrible qu'èra numericament fòrça superiora (12 000 òmes). Lei Pòrta-Gleva foguèron donc aisament vencuts e perdiguèron la quasi totalitat de sei fòrças (261 tuats). Lo grand mèstre foguèt capturat e executat.