Bandiera provençala
 Bandiera provençala | |
[[Fichièr:
 
Bandiera dau comtat de Provença
Bandiera dau marquesat de Provença | |
| Tipe | bandiera d'una region istorica |
|---|---|
| Proporcions | 2:3 |
| Descripcion | Bandiera de Provença |
| Adopcion | Comtat de Provença |
La bandiera provençala es la bandiera tradicionala dau Comtat de Provença, dei quatre bendas verticalas de gulas sus d'un fons aur. Es basada aquela bandiera sus l'escut dei comtes de Barcelona que foguèt puei adoptat per sei descendents, comtes de Provença, reis de Malhòrca e reis d'Aragon.
Emai siegue pas oficiala, se tòrna trobar dins de nombrós edificis public e dins de nombrosei manifestacions culturalas dins l'espaci provençau, despuei sa represa simbolica per la respelida felibrenca, fasent ressòn a la renaixança catalana e a sa represa de la senyera. La region Provença-Aups-Còsta d'Azur l'emplega encuei d'un biais oficiau dins son logo e sa bandièra, joncha amb l'Aigla niçarda e lo Daufin deis Aups.
S'emplega de còps d'un biais opausat mai tanben d'un biais complementari amb la bandièra occitana. Mai generala, aquesta es tanben una bandiera istorica de Provença, estent lo simbòu dau Marquesat de Provença e que se pòu veire sa crotz dins de nombrosei ciutats provençalas, notadament dins lo Comtat Venaicin (Venasca, Gigondàs...) e dins leis Auts Aups, departament que l'utiliza dins son escut oficiau.