Bandièra de Guatemala

Un article de Wikipèdia, l'enciclopèdia liura.
Anar a : navigacion, Recercar
Flag of Guatemala.svg

La bandièra de Guatemala es formada per tres bandas verticalas, blau cel als extrèms e blanc al centre. Lo blau simboliza l'ocean Pacific e l'ocean Atlantic, que bordejan los dos costats del país, mentre que lo blanc simboliza la puretat de las valors del país.

Aquesta disposicion repren la de la bandièra de l'Union de l'America Centrala, e mai qu'aquela aja de bandas oritzontalas.

Al centre i a una corona de fuèlhas d'olivièr qu'enròdan dos fusilhs e doas espasas crosadas. Al mitan i a un pergamin amb l'inscripcion Libertad 15 de septiembre de 1821, amb un quetzal quilhat dessús. L'aucèl simboliza la libertat amb la data de l'independència de l'America Centrala. Los fusilhs e las espasas son la volontat de defendre lo país s'es necessari, mentre que las brancas d'olivièr son simbòl de patz.