Baloard d'Estrasborg (Tolon)
Lo Baloard d'Estrasborg, es un dei principaus ais de la vila de Tolon.
Bastit a partir de 1852 (amb lo nom originau de Baloard Loís-Napoleon) subre lei fortificacions medievalas au nòrd de la vila, que marca dempuei la termiera entre la Bassa Vila (lo futur Pichon Chicago, de la segonda mitat dau sègle XX) e l'Auta Vila. Aquò vòu dire tanben que representa una termiera entre lo plan medievau de Tolon (essencialament emplenat de bastiments dei sègles XVII e XVIII) e lo Tolon d'estil Haussmannian (e mai se Haussman èra pus prefècte de Var quora sieguèt bastit).
Marca tanben lo costat meridionau de la plaça de la libertat.
A l'origina, aqueu baloard èra limitat a l'orient per la Pòrta Nòstra Dòna (avalida en 1923 e remplaçada per l'actulala plaça Novè Blache) e a l'occident per la Pòrta Nacionala.
Principaus bastiments dau Baloard[modificar | Modificar lo còdi]
- Lo tribunau.
- Lo Jardin Alexandre Ier
- La Casèrna Gouvion venguda Licèu Bonaparte.
- Lo Musèu-Bibliotèca de la vila de Tolon.
- La sotaprefectura de Var, venguda musèu d'art.
- La Plaça de la Libertat.
- Lei Dònas de França (remplaçadas per un novèu bastiment ocupat au planpè per lei Galariás La Faieta).
- L'Opèra de Tolon.
- Lo Collègi Peiresc.
- Lo Licèu Roviera (uei escòla primària Juli Muraire).
Galariá[modificar | Modificar lo còdi]
-
-
Ai Dònas de França, grand magazin bombardat e afogat en 1944; remplaçat per un bastiment deis annadas 1950 amb lei Galariás La Faieta. -
Tròç dau baloard sus la Plaça de la Liberatt uei. -
-
