Azalaís de Tolosa

Un article de Wikipèdia, l'enciclopèdia liura.
Salta a la navegació Salta a la cerca

Azalais de Tolosa èra la filha del comte Ramon V de Tolosa e de Constança de França. Los seus grands mairals èran Loís VI de França e sa segonda femna Adelaida de Savòia.

Nascuda al castèl de Burlatz , èra apelada "comtessa de Burlatz" dins la vida d'Arnaut de Maruèlh.

Foguèt maridada a Rogièr II Trencavel, comte de Besièrs e Carcassona, en 1171; Èra la maire de Ramon Rogièr Trencavel, que moriguèt embarrat aprèp lo sètge de Carcassona en 1209. Azalais moriguèt ela en 1199.

Azalais de Tolosa es nomenada dins las poesias de mai d'un trobadors, inclús Ponç de la Gardia, Giraut de Salinhac. I es dich que las poesias d'Arnaut de Maruèlh forman una sequéncia que conta lo seu amor per ela. Anfós II d'Aragon èra son rival, e segon lo razó d'un dels poemas d'Arnaut, la gelosiá del rei la persuadiguèt de rompre son amistat amb Arnaut. Los mercandejatges d'Anfós amb Azalais foguèron ferojament criticats dins un sirventés per Guilhèm de Berguedan: "Vos a donada son amor, e li avètz pres doas vilas e cent castèls".