Axel Desperes
| |||||
|---|---|---|---|---|---|
 | |||||
| Ficha d'identitat | |||||
| Data de naissença | 16 de genièr de 2004 | ||||
| Luòc de naissença | Pau, França | ||||
| talha | 1.83 | ||||
| Pes | Dextre | ||||
| Entresenhas sul club | |||||
| Club actual | Seccion Paulina | ||||
| Posicion | 10, 12, 15 | ||||
| Club junior | |||||
| 2009-2018 2018-2023 |
Nord Biarn Seccion Paulina | ||||
| Club professional* | |||||
| Sason | Club | Partidas (Punts) | |||
| 2023- | Seccion Paulina | 7 (12)[1] | |||
| Seleccion en equipa nacionala** | |||||
| 2023- | França U20 | 3 (5)[1] | |||
|
* Partidas jogadas e punts marcats dins cada club | |||||
Axel Desperes, nascut lo 16 de genièr de 2004 a Pau (Pirenèus Atlantics), qu'ei un jogaire francés de rugbi de XV qui jòga au pòste de mièg de dubertura dab la Seccion Paulina.
Biografia
[modificar | Modificar lo còdi]Joentut e formacion
[modificar | Modificar lo còdi]Axel Desperes que neixó a Pau lo 16 de genièr de 2004[2]. Que creishó au nòrd deu Bearn, a Garlin dens ua familha d'esportius. La soa mair, Sandrina, qu'excela au basquetbòl, mentre que lo son pair, Cedric, e lo son grand-oncle, Joan-Claudi, que son figuras deu club de rugbi de XV de l'AS Garlin (uei Nòrd Bearn XV)[3].
Axel Desperes que debutè lo rugbi en 2014 a Garlin devath la conducta deu son pair, a l'ententa deus Pòrtas deu Bearn, on jogà dinc aus cadets e's hè remercà per las soas prestacions prometedoras. Seleccionat dens las equipa deu Bearn deus mens de 13 e 14 ans[4],[5], Axel que guanhè notadament l'Orange Rugby Challenge a Marcoussis en junh 2018[3],[6]. Que guanhè aquera competicion dab Hugo Barracà e Valentin Rambau, futurs coequipièrs deu centre de formacion de la Seccion Paulina[7].
Axel Desperes que jonhó la Seccion Paloesa en 2018 e que pujà rapidament los escalèrs, dempuish los cadets dinc a l'equipa espèrs, en passant peus nivèus Gaudermen e Crabos. Que's distingí dens la generacion Crabos de 2004, en atenher las miei-finaus deu Campionat de França.
Remarcat com jogaire a potenciau, que n'integrè oficiaument lo Centre de Formacion que pendent la tardor de 2022, après prestacions remercadas pendent lo Supersevens. Dempuish, la soa evolucion qu'ei estada hulguranta : qu'a disputat los sons dus prumèrs matchs professionaus pendent la sason 2022-2023, puish qu'a conegut ua sason 2023-2024 impressionanta dab 25 aparicions e 10 seleccions en Equipa de França de rugbi de XV U20[8].
Jogaire polivalent, qu'ei capable de jogar aus pòstes de mièg de dubertura, de arrièr o de tresens quarts centre[9].
En parallèla deu son corredor esportiu prometedor, Axel que persegueix tanben los sons estudis. Titulari d'un bacalaureat scientific (mencion plan), qu'arriba a jongar enter la soa carrièra rugbistica e los sons estudis universitaris en gèni civil a l'IUT de Tarbas[3].
Carrièra professionau
[modificar | Modificar lo còdi]Axel Desperes que participè au Supersevens 2022 dab la Seccion Paulina[10]. Que disputè lo son prumèr match dab l'equipa professionau de la Seccion paloesa lo 13 de genièr de 2023 pendent la tresau jornada de Challenge Cup en remplaçar Thibault Debaes a la 78 minuta pendent un match contra los Dragons[11]. Desperes qu'inscrivó ua penalitat de 40m qui permetó a la Seccion de desgatjar lo bonus defensiu[11]. Que disputè lo son prumèr match en Top 14 com titulari au pòste de mièg de dubertura, lo 28 de genièr seguent au Estadi Mayol[12]. Aqueth dia, contra lo RC Tolon, Desperes qu'inscrivó tres penalitats maugrat la desfaita sus lo marcador de 27 a 16[13]. Tostemps en gèr de 2023, qu'ei convocat dab l'Equipa de França de rugbi de XV U20 per un estagi de preparacion a Capberton en amont deu Torneig de las Seis Nacions deus mens de 20 ans[14]. Qu'ei finalament retengut dens lo grop finau tà disputar la prumèra jornada[14]. Pendent aquera prumèra escadença, qu'entra en dusau periòde contra l'Italia e qu'inscriu ua penalitat importanta a quinze minutas de la fin deu match, los Bleuets que s'impausan finalament 28-27
Referencias
[modificar | Modificar lo còdi]- ↑ 1,0 et 1,1 .
- ↑ « Estat Civil », La Republica deus Pirenèus, (legir en linha)
- ↑ 3,0 3,1 et 3,2 Gilbert Delahaye, « Seccion Paloesa : de Servant a Desperes, l'eretatge tricolor deu rugbi garlinés », Sud Oest, (legir en linha)
- ↑ « Pòrtas deu Bearn », La Republica deus Pirenèus, (legir en linha)
- ↑ « Qu'ei l'Ententa Pòrtas deu Bearn qui vederà Marcoussis », La Republica deus Pirenèus, (legir en linha)
- ↑ « Las Pòrtas deu Bearn sacradas! », La Republica deus Pirenèus, (legir en linha)
- ↑ « Un corredor brillant », La Republica deus Pirenèus, (legir en linha)
- ↑ «Axel Desperes». section-paloise.com.
- ↑ «Axel Desperes en Verd e Blanc dinc au 2029». www.section-paloise.com.
- ↑ «Supersevens : la Seccion Paloesa que s'inclina en finau a casa per la darrèra etapa de l'estiu», 2022-08-27. francebleu.fr.
- ↑ 11,0 et 11,1 «Challenge Cup : Pau que s'inclina a casa contra los Dragons mes que recupera un punt de bonus defensiu», 2023-01-14. rugbyrama.fr.
- ↑ «RCT - Seccion Paloesa : Axel Desperes, l'enorma suspresa deu chèf», 2023-01-27.
- ↑ «Tornar véder lo live deu match Tolon - Pau», 28 de gèr de 2023. rugbyrama.fr.
- ↑ 14,0 et 14,1 «Sèt Paloesi dens la lista de l'equipa de França deus mens de 20 ans tà preparar lo Torneig», 20 de gèr de 2023.
