Avatar (indoïsme)

Un article de Wikipèdia, l'enciclopèdia liura.
Sauter à la navigation Sauter à la recherche
Pagina d'ajuda sus l'omonimia Pels articles omonims, vejatz Avatar.

Dins lo vishnoïsme, un avatar (अवतार, avatâra, en sanscrit « davalada », al sens de « davalada del cèl ») es l'incarnacion d'una divinitat sus tèrra, en responsa a un besonh del restabliment del Darma.

Los ensenhaments d'un avatar, conprengut coma tal e pauc a pauc realizat per l'umanité, alarga sa compreneson del sens de la vida e contribuisson a son avançament sul camin de l'evolucion.

La nocion d'avatar foguèt plenament desvolopada sonque dins la mitologia tardièra, mas es ja contenguda dins los Upaniṣad. jos forma personificada, lo principi ultim, que manifestèt lo mond, s'i torna incarnar: « L'avent faiçoat, i dintra. » (Taittirîya Upanishad, II, 6).

Lo vishnoïsme destria diferents tipes d'avatars, Krishna i essent sol considerat coma un avatar complet de Vishnó (Purnavatara) coma principi ultim. Los autres avatars son alara descrich coma d'incarnccions parcialas o de manifestacions d'unes aspèctes del divin. La foncion primièra de l'avatar es pasmens cada còp la mèsma: restablir lo darma o la lei eternala instaurant los principis de coneissença adaptats a l'epòca ont se manifesta. Per aqueste objectiu, l'avatar es a vegada assistit de vibhûti o de poders especials, alara personificats jos forma de companhs que lo sostenon dins son pretzfach.

Los avatars de Vishnó[modificar | modificar la font]

Segon la tradicion recenta mai espandida, los avatars de Vishnó son al nombre de detz; son coneguts collectivament jol nom de dashâvatâras (detz avatars):

Estatue de Narasimha a Bhaktapur, Nepal.

Lo Boda, que l'origina coma avatar es pro tardièra, remplaça dins aquesta tièra Balarama, lo fraire de Krishna. Kalki, encara per venir, s'incarnarà per acabar al Kali Yuga.

Los reis de Tailàndia son a vegada considerats coma d'avatars de Vishnó.

Lo nombre dels avatars varia segon los tèxtes: 10 dins lo Varaha Purana, 12 dins lo Matsya Purana, 22 dins lo Garuda Purana, 39 dins l'Ahirbudhnya Samhita. Pasmens declarant que « las incarnacions de Vishnó son innombrablas coma de rius giscladas d'un lac inagotable » (I, 3), lo Bhegavata Purana fa la tièra seguenta:

La Shakti o Parèdra de Vishnó es Lakshmi.

Autres avatars[modificar | modificar la font]

Dins la mitologia, d'autres divinitats o personalitats semidivinas son a vegadas consideradas coma d'avatars, coma Hanoman (incarnacion de Shiva). Gaireben totes los indós considèran las grandas figuras religiosas de l'umanitat,coma Zoroastre, Jèsus o Maomet, coma tant d'avatars o de manifestacions del principi divin. De personalitats santas de l'indoïsme, coma Chaitania (incarnacion de Vishnó), son tanben veneradas per lors discípols coma d'avatars parcials, veire complets.