Autoestòp

Un article de Wikipèdia, l'enciclopèdia liura.
Sauter à la navigation Sauter à la recherche
Autoestopistas a Nòva Zelanda.

L'autoestòp es una practica realizada per de viatjaires que cercan un transpòrt a çò dels autres que se desplaçan en automobila, camion o amb autres mejans. La distància percorrida pòt variar d'una corta camida que s'auriá podut far a pé, a de longas distàncias que sovent demandan diverses tranferiments d'autoestòp.

Metòde[modificar | modificar la font]

Gèst abitual per l'autoestòp.

Lo biais mai comun, pel mond entièr, per demandar l'autoestòp, es d'estirar lo braç cap a la carrièra o autorota levant lo poce. Los conductor comprenon qu'aquò es un senhal que la persona sollicita que lo transpòrt. Un autoestopista pòt tanben mòstrar un papièr o carton amb lo nom de la seuna descion escrich, d'aquel biais los conductors an pas besonh de s'arrestar per demandar cap a ont se vòl anar.

Endacòm mai s'utilizan d'autres signes. en Sudamerica, un autoestopista mòstra la fàcia de la man amb l'indèx levat, al luòc del poce. En Polonha, se brandís la man en abans. En Índia, se fa la man brandida amb lo revèrs cap aval. A Israèl, s'apunta l'automobila amb l'index.

Normalament se dona pas res en escambi del transpòrt, malgrat que, a vegadas, lo viatjaire ofrís de contribuir a pagar lo esséncia. Per fòrça conductors sufisís lo fach d'aver una companhiá pel camin.

Rasons[modificar | modificar la font]

Un autoestopista pòt aver divèrsas rasons per realizar aquela practica, entre elas:

  • Pòt pas pagar cap autra forma de transpòrt,
  • I a pas transpòrt public,
  • I a pas transpòrt public al moment que se vòl viatjar,
  • Lo transpòrt public passa gaire sovent dins aquel luòc,
  • Lo darrièr tren o autobús del jorn ja es passat,
  • A perdut lo transpòrt public amb que pensava viatjar,
  • Per rasons ecologicas o politicas (coma reduire la consomaacion de combustibles fossils),
  • Pel desfís de despensar lo mens per arribar endacòm,
  • Pel sens de l'aventura qu'implica: viatjar, conéisser de gents nòvels e per escasença o, simplament, pas saber pas ont arriba la rota.

Los conductors pòdon tanben aver de divèrsas rasons per reculhir d'autoestopistas, per exemple:

  • vòlon companhiá pendent lo viatge,
  • An viatjat precendentament coma eles e an de compassion,
  • Sollicitan drògas o sèxe,
  • Sens de responsabilitat sociala.

Los conductors que son demorats en pana o de gents sens argent o sens mejans de transpòrt coma los indigents recorron sovent a l'autoestòp, d'autres o fan per passion o coma espòrt.