Australopithecus aethiopicus

Un article de Wikipèdia, l'enciclopèdia liura.
Anar a : navigacion, Recercar
Aguest qu'ei eth famos Cran Nere discurbert en 1967 de Australopithecus aethiopicus

Australopithecus aethiopicus o Paranthropus aethiopicus qu'ei ua espècie escandida d'ominid, un des australopitecids robusti.

Istòria[modificar | modificar la font]

Eth prumèr individú d'Australopithecus aethiopicus discurbert qu'ei conegut coma Omo 18, tamben aperat Paraustralopithecus aethiopicus e siguec discurbet en eth sud d' Etiopia pes arqueològs francesi Camille Arambourg e Yves Coppens en 1967. Omo 18 que serveish coma predecessor de KNM-WT 17000, discurbert per Alan Walker. Es trobalhes discurbertes en 1985 per Alan Walker en West Turkana, Kenya, KNM WT 17000 (tamben conegut coma eth Cran Nere peth color der os causat pes nauts nivèths de manganesi) qu'ei un des esemples mès lèus d'ominid robust deth Pliocèu (1).

Ua des caracteristiques d'Omo 18 qu'ei qu'a ua maissa en forma de V qu'ei plan disparièra des autes espècies trapades d' Australopithecus. Tot e que Omo 18 siguec eth prumèr cran discurbert d'aguesti espècies, plan de paleoantropològs dessaberen aguesta trobalha dab era escusa qu'era parièra ara d'autes espècies d'australopitecids. un còp discurbert KNM-WT-17000 er interes renaishèc un aute còp per Omo 18 e siguec classat de nau.

Descripcion[modificar | modificar la font]

Australopithecus aethiopicus qu'ei classat dens un subgrop d'australipitecids robustes. Aguesti que son tres espècies, Australopithecus aethiopicus, Australopithecus robustus e Australopithecus boisei. Que i a agut un debat sus er origen piletic exacte de cada ua d'aguestes espècies. Es australopitecids robustes que comparteishen plan de caracteristiques en eth cran e era maissa e benlèu suggereishen un desvolopament evolutiu compartit. Australopithecus aethiopicus a, maugrat açò, quauques caracteristiques qu'el hen disperièr des autes australopitecids robustes qu'includissen un arc zigomatic mès gran, un troç dera maissa mès long e tamben ua cara mès prognatica.

Aguesti disparietats qu'es desvoloparen pendent era evolucion d'aethiopicus mès tamben se poderia díder qu'Australopithecus aethiopicus a ua istòria filogenetica mès disparièra que no pas Australopithecus robustus e Australopithecus boisei.

Eth cran qu'a 2.5 millions d'annadas e qu'ei plan mès ancian que formes mès evolucionades d'australopitecids robustes.

Pr'açò es antropològs suggereishen que Paranthropus aethiopicus demorèc demest hè 2.7 e 2.5 millions d'annadas (1). Es caracteristiques son plan primitues e quauques son parières dab Australopithecus afarensis, e pr'açò se pensa qu'aguest ei un ancessor de Paranthropus aethiopicus. Atau qu'a un prognatisme coma eth d'Australopithecus afarensis e un cervèth plan petit, dab sonque 410 cc (2).

Paranthropus aethiopicus siguec prepausat en 1967 tà descríuer un troç de maissa sens dents (Omo 18) que siguec trapat en Etiopia per paleontològs francesi (1)(2). Ua maissa baisha e troci de dents an estat tamben discurberts. Paranthropus aethiopicus qu'auia ua cresta sagital plan longa tà poder nhacar hòrt ( coma hèn es gorilles) (2). Se sàp pas plan d'aguesta espècie pr'amor qu'era melhor evidencia qu'eit son cran nere e era maissa.I a pas plan de materiau tà hèr ua descripcion de com ère de naut mès se pensa que poderia auer estat tant naut coma Australopithecus afarensis(1).

Paranthropus aethiopicus qu'ei classat coma un hominin arcaic dab maisses estraordinàries e ues corones dentaus postcanines de grossa talha. Eth discurbiment iniciau siguec ua maissa sens dents d'un adult ena formacion de Shungura, ena region d'Omo, en Etiopia, en 1967 (Omo 18.18).

Es cendres que s'i traparen auien ua ancianeitat de 2,3 -2,5 millions d'annadas. Sonque i a un cran complet tà aguest hominin e pr'amor d'açò qu'ei malaisit de saber vertadieraments quaus son es sues caracteristiques fisiques. Totun, se pòt díder qu'eth sòn cran ei parièr ath de Paranthropus boisei mès que sòns incissius son mès grossi, era cara mès prognatica e era base deth cran esdeven mens flexionada.

Aguesti son es prinicpaus lòcs d'Africa on s'an trapat diuersi uassi des genres Australopithecus/Paranthropus.

Debats sus eth sòn classament[modificar | modificar la font]

Non toti es antropològs creden que Paranthropus aethiopicus evolucionèc entara Paranthropus robustus pr'amor qu'eth sòn cran ei plan parièr ath d' Australopithecus afarensis(2).

Era soleta rason que hè que Paranthropus aethiopicus siguec un possible ancessor d'ambdús, Paranthropus boisei e Paranthropus robustus ei que sòns maises son plan parières. Paranthropus aethiopicus demorèc en un paisatge on i auia bosqui e savana. Tà descríuer mès ben era sòn fisiologia que cau mès evidències. Era dimension primitiua e estranha deth cran nere mos indica que Paranthropus aethiopicus atau coma d'autes australopitecids son ena branca evolutiua des hominids mès qu'aguesta ei disparièra dera branca d'Homo. Quauques scientifics son pas d'acord dab er classament deth cran enre coma un Australopithecus afarensis. diden qu'er hèt qu'es ominids deth cran nere demoressen pendent era madeisha epoca qu'Australopithecus afarensis non ei pro evidencia tà amassa'ls toti en ua soleta espècie. Que i a pas acòrd ena comunautat scientifica sus eth lòc on s'a de hicar eth cran nere dens es branques d'ominids e beri uns suggereishen qu'ei era amassada demest Paranthropus africanus e Paranthropus boisei mentre que d'autes diden que Paranthropus africanus e KNMWT-17000 son dus linhes desseparades d'ominids, dab Paranthropus africanus ena linha qu'evoluionèc tas umans moderni.

Trabalhs[modificar | modificar la font]

  • Bower, Bruce. "Family Feud: Enter the Black Skull." Science News 131 (1987): 58-59. JSTOR. Web. 23 Oct. 2012.
  • Johnson, Patrick, and Scott Bjelland. "Australopithecus Aethiopicus." - A Robust Australopithecine. N.p., n.d. Web. 22 Oct. 2012. <http://archaeologyinfo.com/australopithecus-aethiopicus/>.
  • Melanie A. McCollum. “The Robust Australopithecine Face: A Morphogenetic Perspective.” Science, volume 284, No. 5412, pages 301-305, (1999)
  • Wood, Bernard and Nicholas Lonergan. "The Hominin Fossil Record: Taxa, Grades and Clades." Journal of Anatomy 212.4 (2008): 354-376. Web. 2012 October 16. <http://onlinelibrary.wiley.com/doi/10.1111/j.1469-7580.2008.00871.x/pdf>.

De véder tanben[modificar | modificar la font]

  • List of fossil sites (with link directory)
  • List of human evolution fossils (with images)
  • Post-canine megadontia

Referencies[modificar | modificar la font]

  1. "Paranthropus aethiopicus". The Smithsonian Institution. Retrieved March 2011.
  2. ^ Jump up to:a b c d "Paranthropus aethiopicus". Archaeology.info. Retrieved March 2011.

Pagines web[modificar | modificar la font]

  • List of Paranthropus aethiopicus fossils found to date