Audon III de Borgonha

Audon III de Borgonha (1166 - 1218) (en francés Eudes III de Bourgogne) foguèt duc de Borgonha de 1192 a sa mòrt. Au contrari de son paire, adoptèt una politica favorabla au Reiaume de França e venguèt un aliat fidèu dau rei Felipe II. Ansin, participèt a la batalha de Bouvines dins lo camp francés en 1214 e ajudèt lei sobeirans francés e alemands a trobar una solucion a la guèrra de succession de Champanha. En 1209, participèt tanben a la premiera campanha de la Crosada deis Albigés que s'acabèt per la conquista dei fèus de l'Ostau Trencavèl.