Vejatz lo contengut

Attenborosaurus

Un article de Wikipèdia, l'enciclopèdia liura.
Attenborosaurus siguec un pliosaure que demorèc hè 190 milions d'ans. Eth sòn nom ei tà aunurar er director de documentaris anglés Sir David Attenborough.

Attenborosaurus conybeari ei un reptil marin escantit apartenhent ara familha des plesiosaures. Demorèc pendent eth jurassic inferior (hè demest 190 milions d'ans) e es sues rèstes an sigut trapades en Anglatèrra.

Coma toti es plesiosaures, Attenborosaurus tanben avia un còth plan long e quate pates desvolopades coma aletes. Eth cran, desparièr de plan autes plesiosaures, ère long e finia en un triangle damb dents coniques. Açò'l hèia semblant a plan d'autes pliosaures dera madeisha epóca (coma Archaeonectus o Macroplata).

Ua esqueleta quasi sancera d'aguest animal siguec trapada en 1881 e descrita damb eth nom de Plesiosaurus conybeari. Siguec hicat en eth Museu de Bristol mès siguec destrusit pendent es bombardaments dera Dusaua Guérra Mundiau. Aguesta esqueleta avia tanben era pèth conservada jos ua pellicula que caperava tot eth cos. Non avia pas escates e pr'açò se pensa que non sonque Attenborosaurus mès toti es plesiosaures avien era pèth lissa.

Eth Museu Britanic de Londres avia hèt ua còpia d'aguest especimèn avans dera sua destruccion. En 1993 Robert Bakker estudièc aguest especimèn e confermèc qu'apertenhia a un navèth genre, Attenborosaurus (damb eth nom deth creador e director de documentaris David Attenborough). Eth classament a permetut díder qu'ère un pliosauri, un grop de plesiosaures damb eth cran long e un còth relatiavaments cuert.

· W. J. Sollas. 1881. On a new species of Plesiosaurus (P. Conybeari) from the Lower Lias of Charmouth; with observations on P megacephalus, Stutchbury, and P. brachycephalus, Owen. Quarterly Journal of the Geological Society of London 37:440-480

· W. E. Swinton. 1948. Plesiosaurs in the City Museum, Bristol. Proceedings of the Bristol Naturalists Society 27:343-360

· Bakker, R. 1993 – Jurassic sea monsters. Discover 14(9):78-85.

· F. R. O'Keefe. 2001. A cladistic analysis and taxonomic revision of the Plesiosauria (Reptilia: Sauropterygia). Acta Zoologica Fennica 213:1-63

· R. B. J. Benson and P. S. Druckenmiller. 2013. Faunal turnover of marine tetrapods during the Jurassic–Cretaceous transition. Biological Reviews