Assompcion de Moïses

Un article de Wikipèdia, l'enciclopèdia liura.

L'Assompcion de Moïses, tanben apelada Testament de Moïses, es un escrich apocrif de l'Ancian Testament, redigit originàriament en grec vers la prumiera meitat dau segle I, mas servat dins un manuscrich latin incomplet dau segle VI. Es 'na òbra apocalipctica d'origina judiva que condemna las «nacions» reduchas au reng de valedoras d'Israel. Per lo redactor de 'queu texte, Moïses fuguet volgut dempuei la «debuta dau mond», «imaginat e inventat» a 'queu moment coma «mediator de l'aliança». Conten d'indicacions de Moïses morissent a Josuè emb de las profecias sus lo futur de la nacion ebrieva juscant'au regne d'Eròdes. De las fonts patristicas se referissen a 'na disputa entre Micheu e Satan sus lo còrs de Moïses presenta dins l'Assompcion de Moïses, absenta dins lo Testament. Ben tot dins 'na segonda partida mancanta era descricha tanben son assompcion.