Antigèn

En immunologia, un antigèn (Ag) es una molecula o una estructura moleculara, que pòt èsser presenta a l'exterior d'un patogèn, e que pòt èsser ligada a un anticòs especific o a un receptor d'antigèn de las cellulas B. La preséncia d'antigèns dins lo còs amoda normalament una responsa imunitària. L'abreviacion Ag significa un generator d'anticòs.

Los antigèns son "ciblats" pels anticòsses. Cada anticòs es especificament produit per lo sistèma imunitari per correspondre a un antigèn après que de cellulas del sistèma immunitari sián dintradas en contacte amb el; aquò permet una identificacion precisa o una correspondéncia de l'antigèn e l'aviada d'una responsa adaptativa. Òm ditz que l'anticòs "correspond" a l'antigèn dins lo sens ont se pòt ligar amb el en rason d'una adaptacion dins un fragment de ligason a l'antigèn. Dins la magèr part dels cases, un anticòs adaptat pòt pas reagir e se ligar qu'a un antigèn especific; dins d'unes cases, pr'aquò, los anticòses pòdon reagir d'un biais crosat e se ligar a mai d'un antigèn.

Los antigèns son de proteïnas, de peptids (cadenas d'acids aminats) e de polisacarids (cadenas de monosacarids / sucres simples), mas los lipids e los acids nucleïcs vengan pas d'antigèns que quora son combinats amb de proteïnas e de polisacarids.

L'antigèn pòt venir de l'interior del còs ("autoantigèn") o de l'environament extèrne ("non-se"). Lo sistèma immunitari identifica e ataca los antigèns extèrnes "non-se" e reagís generalament pas als autoantigèns en rason de la seleccion negativa de las cellulas T dins lo timus.

Los vaccins son d'exemples d'antigèns jos una forma immunogèna, que son intencionnalament administrats a un recebeire per induire la fonccion de memòria del sistèma immunitari adaptatiu al respècte dels antigèns del patogèn qu'envasisson aqueste recebeire. Los vaccins contra lo virus de la gripa sasonièra ne son un exemple corrent.