Anthracotherium
Anthracotherium ei un genre pròpi dera familha de mamifèrs escantits des Anthracotheriidae. Es anthracotheriums formen un grop de mamifèrs proches der ipopotam qu'apareishen en er inici de l'oligocèn e s'escantiren pendent eth miocèn. Èren probablaments semiaquatics.
Descripcion
[modificar | Modificar lo còdi]Anthracotherium avia 44 dents. Demorèc pendent er oligocèn en Euròpa, Africa, Asia e America del Nòrd. Anthracotherium desapareishèc ena fin deth miocèn, dilhèu per dus arrasons; eth cambi climatic e tanben ua competicion damb d'autes artiodactils coma es suids e es ipopotams qu'avec lòc, sembla éster, en Euròpa.
Eth genre Anthracotherium ei tipic dera familha des Anthracotheriidae probablaments pr'amor qu'ei eth genre mès ben estudiat. Era anatomia dera maishèra inferior a sigut plan ben estudiada e aué se pensa qu'Anthracotherium, coma d'autes genres d'aguesta familha, ère proche der ipopotam e dilhèu en siguec un ancessor. Es descurbiments mès navèths suggereishen, ath sòn torn, qu'es anthracotheres e es ipopotams èren tanben dera familha dera balena.
Eth nom deth genre vò díder bèstia deth carbon pr'amor qu'es prumèrs fossils sigueren trapats en diversi estrats de lignit europèus deth terciari.
Anthracotherum magnum demorèc en Euròpa e avia era mesura d'un ipopotam mès tanben i aguec tanben d'autes espècies mès petites. Aguest genre demorèc tanben en Egipte, Índia e America del Nòrd ).
Es 9 espècies confermades enquia aué son: Anthracotherium siminthus, Anthracotherium morsvialense, Anthracotherium minus, Anthracotherium minimum, Anthracotherium bumbachense, Anthracotherium meneghinii e Anthracotherium merycopotamus. Aguest darrèr descrit per Falcone e Cantley dejà en 1847.
Totes es espècies son escantides. D'autes sinonims scientifics d'Anthracotherium son Anthracohyus, Anthracokeryx e Anthracothema.
Referències
[modificar | Modificar lo còdi]1.- w.circoloculturalegrassi.it/museo/Anthracotherium.html (en italian)