Angèle
Angèle Van Laeken, o mai simplament Angèle, nascuda lo 3 de decembre de 1995 dins la comuna d'Uccle de Brussèlas (Belgica), es una musiciana, productritz, actritz, modèla e cantaira francesa de Belgica. Es la sòrre del rapaire Roméo Elvis, e la filha dels cantaire bèlga Marka.
Son primièr album, Brol, sortit en octobre de 2018, portat en particular pels gròsses tubes Tout oublier (fin de 2018, en duò ambe son fraire Roméo Elvis) e Balance ton quoi (debut de 2019), s'es vendut a mai de 500 000 exemplars en mens d'un an e es estat n°1 de las vendas d'albums en França per l'annada 2019.
Per sa musica e de sas paraulas, Angèle se mòstra engatjada contra lo sexisme. Es en particular lo cas dins sa cançon Balance ton quoi, qu'es estada considerada en 2019 coma un imne feminista.[1]
En 2021 son album Nonante cinq coneis tanben una plan gròssa capitada. Conten lo tube Bruxelles je t'aime.
Discografia
[modificar | Modificar lo còdi]- 2018 : Brol
- 2021 : Nonante-cinq
Cançons mai conegudas
[modificar | Modificar lo còdi]- La Loi de Murphy (2017)
- Je veux tes yeux (2018)
- La Thune (2018)
- Jalousie (2018)
- Tout oublier (2018, ambe Roméo Elvis)
- Balance ton quoi (2019)
- Flou (2019)
- Oui ou non (2019)
- Ta reine (2020)
- Fever (2020, ambe Dua Lipa)
- Bruxelles je t'aime (2021)