Ambrogio Lorenzetti

Un article de Wikipèdia, l'enciclopèdia liura.
Salta a la navegació Salta a la cerca

Ambrogio Lorenzetti

Retrach d'Ambrogio Lorenzetti dins Le Vite de Giorgio Vasari (edicion de 1568).
Retrach d'Ambrogio Lorenzetti dins Le Vite de Giorgio Vasari (edicion de 1568).
Nom de naissença Ambrogio Lorenzetti
Naissença 1290
Siena, Toscana
Decès 1348
Siena, Toscana
Nacionalitat Toscana
Activitat(s) Pintor
Formacion Obrador de Duccio di Buoninsegna
Mèstre Duccio di Buoninsegna
Movement artistic Escòla sienesa
Òbras reputadas Madòna de Vico l'Abate
Efièches del bon e del mal govèrn
Anonciacion d'Ambrogio Lorenzetti
Influenciat per Duccio di Buoninsegna
Illustracion : Retrach d'Ambrogio Lorenzetti dins Le Vite de Giorgio Vasari (edicion de 1568).

Ambrogio Lorenzetti (Siena, 1290 - † Siena, 1348) foguèt un pintre sienés de l'escòla sienesa, conegut a partir de 1317 dusca sa mòrt en 1348, quand defuntèt de la pèsta nègra. Es considerat coma un dels mèstres màgers de la pintura sienesa e es remirat encara uèi pel lengatge alegoric e simbolic fòrt e mai per l'umanitat prigonda de las figuras dins las sias òbras.

Èra lo fraire de Pietro Lorenzetti.

La vida[modificar | modificar la font]

Primièra Verge de Vico l'Abate[modificar | modificar la font]

Ambrogio lorenzetti, Madòna de Vico l'Abate, 1319.
Ambrogio lorenzetti, Madòna de Vico l'Abate, detalh.

Es a còp segur que foguèt format Ambrogio a l'obrador de Duccio di Buoninsegna coma lo seu fraire Pietro e mai coma Simone Martini.

La Madòna de Vico l'Abate, realizada per la glèisa Sant'Angelo di Vico l'Abate près San Casciano in Val di Pisa, e expausada al Musèu Giuliano Ghelli de San Casciano, es considerada coma la primièra òbra de las que foguèron atribuïdas a Ambrogio. Foguèt datada de l'annada 1319. Lo panèl es tot diferent de las maestà e madònas de Duccio di Buoninsegna, tant diferent que se pensèt qu'Ambrogio foguèsse l'escolan d'un autre mèstre.