Aficha de Jean-Baptiste de Coincy
L'Aficha de Coincy es un document politic que foguèt publicat e cridat a Tolon un pauc avans la Revolucion Francesa per lo luòctenent generau deis Armadas dau Rei, Jean-Baptiste de Coincy.
De la part dau Rei, còmte de Provença. Sa Majestat es informada que leis abitants de fòrça vilatges d'aquesta província s'assemblan sensa la permission de sei cònsols, e se rendon en tropas dins lei vilas dei marcats publics, onte demandan ce que n'es pas possible de li acordar ; e coma de parelhas sedicions contràrias a l'obeïssença qu'es deguda au Rei, ocasionarián la famina, e la mòrt d'un grand nombre d'abitants, que pòdon subsistar que per l'òrdre public que deu èstre establit per lei Conseus de Vilas, lo Rei, ben persuadat que sei sujets provençaus son tròp fidèles a son autoritat per se portar en d'excès capables de destruire per la famina la plus granda partida deis abitants de la Provença, li ordona expressament sos lei penas portadas per leis Ordonnance per lei crimes semblables, de cessar aqueleis atropaments e assembladas sediciosas, e li comanda de presentar sei demandas ais Administrators de la Província, per sei cònsols, e per de memòris escrichs, ai quaus li respondràn.
Nòtas
[modificar | Modificar lo còdi]- Merle, Renat. Inventaire du texte provençal de la région toulonnaise. GRAICHS : Sièis Forns, 1986. Pagina 23, citant lo Bulletin Société d'Etudes de Draguignan, 1900-1901, p.13.
