Acid arsènic
L'acid arsènic (simbòl quimic : H3AsO4) es una solucion aquosa formada a partir d'una reaccion quimica siá entre lo pentoxid d'arsèninc e l'aiga siá entre l'anidrid arseniós e l'acid nitric concentrat. Es un triacid minerau analòg a l'acid fosforic H3PO4. Sei valors de pKA son egalas a 2,62, 6,76 e 11,29 a 25°C . En causa de sa toxicitat fòrça importanta liada a la preséncia d'arsenic, a pauc d'aplicacions en fòra dei laboratòris ont es utilizat coma reactiu intermediari de certanei sintèsis. Pòu tanben de còps èsser utilizat dins la proteccion de la fusta ò dins lo tractament de superficia de certanei metaus.