Achal Prabhala

Un article de Wikipèdia, l'enciclopèdia liura.
Achal Prabhala al Wikimania 2009

Achal Prabhala es un escrivan, activista e cercaire indian que viu actualament a Bangalòre, Karnataka.[1] Es conegut mai que mai per son trabalh suls dreches de proprietat intellectuala dins los domenis de la medecina e del saber. A mai es membre del conselh d'administracion del Centre per Internet e la Societat (en anglés: Centre for Internet and Society)[2] e de l' Advisory board de la Fondacion Wikimedia.[3][4][5]

Biografia[modificar | Modificar lo còdi]

Projeccion del film d'Achal Prabhala a la Fondacion Wikimedia

Achal Prabhala, escrivan e cercaire[modificar | Modificar lo còdi]

Achal Prabhala es un escrivan indian que demòra actualament a Bangalòre. Demest sas divèrsas publicacions, a escrich un ensag "Yeoville confidential" [6] que foguèt publicat dins Johannesburg: Elusive Metropolis, una òbra collectiva famosa, entre divèrses escrivans e artistas coneguts d'Africa del Sud o d'autres païses, coma per exemple Achille Mbembe. Tanben a publicat mantun article dins Outlook [7], una de las revistas mai popularas en Índia [8]. En 2010, foguèt coautor del libre Access to knowledge in Africa ("Accès a la coneissença en Africa") amb divèrses expèrts d'aquest domeni [9]

A mai Achal Prabhala trabalha coma cercaire critic sus la proprietat intellectual dins los domenis de la medecina e de la coneissença. Entre 2004 e 2006 foguèt lo coordenador d'una campanha per tal d'ofrir l'accès a de material educatiu en Africa del Sud. Fa tanben de recerca sus la question de l'IPR amassa amb lo Forum de Lei Alternativa en Índia.[10]

En 2007, Prabhala e d'autres activistas faguèron public lo rapòrt del Comitat Mashelkar[11] que donava supòrt a l'indústria internacionala pharma amb sas recomandacions.[12] Afirmèron alara que, pr'amor de complaire a aquela indústria internacionala, lo comitat aviá copiat mot aprèp mot una part d'un rapòrt qu'èra estat elaborat per Shamnad Basheer, qu'aviá rebut son finançament d'un consòrci de firmas multinacionalas.[13] En seguida d'aquesta divulgacion e de l'acusacion de plagiat, Raghunath Anant Mashelkar, lo Director General en aquel temps del Conselh de Recerca Scientifica e Industriala (CSIR), demandèt al govèrn de suprimir aquel rapòrt qu'èra estat redigit per un grop qu'el meteis aviá dirigit [14][15][16]

L'implicacion de Prabhala a l'endedins del movement wikipedian[modificar | Modificar lo còdi]

A mai de sas activitats d'escrivan e de cercaire, Prabhala es conegut encara mai al sen del movement wikipedian per son ròtle dins lo Conselh d'Administracion de la Fondacion Wikimèdia[17][18] d'ençà el 2005. Amb Priya Sen e Zen Marie, Prabhala realizèt recentament lo film People are Knowledge[4]. Aqueste film, que foguèt finançat en granda part gràcias a una ajuda de 20.000 dolars de la Fondacion Wikimçdia, se faguèt dins l'encastre d'un projècte de recerca que voliá trobar de metòdes novèls per far de citacions dins la Wikipèdia.[19]

Referéncias[modificar | Modificar lo còdi]

  1. Error en títol o url.
  2. Error en títol o url.
  3. Error en títol o url.
  4. Error en títol o url.
  5. Error en títol o url.
  6. [1]
  7. [2]
  8. [ http://books.google.com/books?id=izEEAAAAMBAJ&pg=PT41&dq=%22Achal+Prabhala%22+Outlook&hl=ca&ei=rg7ETv6oIsnChAfP7LmCDg&sa=X&oi=book_result&ct=result&resnum=3&ved=0CDcQ6AEwAg#v=onepage&q&f=false]
  9. [3].
  10.  {{{títol}}}. ISBN 9781846286728. 
  11. Modèl:Cite news
  12. Modèl:Cite news
  13. Error en títol o url.
  14. Modèl:Cite news
  15. Modèl:Cite news
  16. Modèl:Cite news
  17. Modèl:Cite news
  18. Modèl:Cite news
  19. Modèl:Cite news

Òbras[modificar | Modificar lo còdi]

  • Access to knowledge in Africa (2010) écrit avec C. Armstrong, J. De Beer, D. Kawooya and T. Schonwetter.

Ligams extèrnes[modificar | Modificar lo còdi]