Acòrdis de Bretton Woods

Leis Acòrdis de Bretton Woods son un ensemble d'acòrdis internacionaus concluts per 44 país a l'eissida d'una conferéncia monetària organizada a Bretton Woods en julhet de 1944. Fan partida deis acòrdis de reglament de la Segonda Guèrra Mondiala e constituïguèron un element centrau de l'egemonia deis Estats Units durant leis ans 1940-1970. D'efiech, lo dolar estatsunidenc i foguèt reconegut coma l'unica moneda convertibla en aur e venguèt ansin la devisa centrala dau comèrci internacionau. Doas institucions financieras importantas, lo Fons Monetari Internacionau (FMI) e la Banca Internacionala de Reconstruccion e de Desvolopament (BIRD), foguèron egalament creadas per aqueleis acòrdis.

Leis acòrdis de Bretton Woods aguèron un ròtle important dins la restauracion e l'estabilizacion de l'economia de l'après-guèrra. Pasmens, resistiguèron mau a la crisi deis ans 1970 e foguèron remplaçats en genier de 1976 per leis acòrdis de Jamaïca.

Liames intèrnes

• Acòrdis de Jamaïca.
• Aur.
• Dolar estatsunidenc.

Bibliografia

• (en) Armand Von Dormael, Bretton Woods : Birth of a Monetary System, Holmes Meir, 1978.
• (en) Donald Markwell, John Maynard Keynes and International Relations: Economic Paths to War and Peace, Oxford University Press, 2006.