303a esquadrilha de caça polonesa
La 303a esquadrilha de caça polonesa ò esquadrilha de Kościuszko (« Warszawski Dywizjon im. Tadeusza Kościuszki » en polonés) èra una esquadrilha de caça compausada de pilòts polonés que serviguèron au sen de la Royal Air Force durant la Segonda Guèrra Mondiala. Formada lo 2 d'aost de 1940, venguèt operacionala lo 31 d'aost seguent e foguèt dissòuta en decembre de 1946. Se destrièt durant la batalha d'Anglatèrra gràcias au nombre recòrd d'avions alemands destruchs per sei pilòts (au mens 5% dei pèrdas alemandas) e foguèt la pus famosa dei 15 esquadrilhas polonesas engatjadas sus lo frònt de l'Oèst.
