Évelyne Isaac

Un article de Wikipèdia, l'enciclopèdia liura.

Évelyne Isaac veusa Vailet (francés Baylet; Batna, 14 de junh de 1913, Tolosa, 6 de novembre de 2014) es una entreprenaira e femna politica francesa.

Sortida d'una familha josiva (lo paire èra d'una familha de josieus occitans) d'Argeria, licenciada de letras classicas, se marida amb Joan Vailet (Jean Baylet), un jornalista e politician occitan qu'après la segonda guèrra mondiala pren la direccion de la Despacha de Tolosa. Quand son òme morís dins un accident, en 1959, pren sa succession a la Despacha (se fa apelar Évelyne-Jean Baylet), emai a la comuna de Valença (d'Agen).

En 1970, ven la primièra femna presidenta d'un conselh general, lo de Tarn e Garona.

Organiza son remplaçament pel filh Jean-Michel a la Despacha e dins sas foncions politicas (comuna de Valença en 1977, Conselh general en 1985).

Retirada, passa sas darrièras responsabilitats (direccion de la publicacion de la Despacha) a son felen Jean-Nicolas en 2012.