Taragòt
Lo taragòt (de l'ongrés: tárogató) es un instrument de vent emplegat dins la musica tradicionala de cèrtes païses d'Euròpa de l'Èst. Originari d'Ongria es tanben emplegat dins cèrtas regions de Romania (ont es sonat taragot) e mens frequentament en Ucraïna (tanben sonat тараґот "tagaròt").
Sonat popularament en Ongria flaüta turca (töröksíp en ongrés) per encausa de sas originas, Vencel József Schunda, un fabricant d'instruments de Budapèst, li faguèt sofrir a la fin del sègle XIX una transformacion considerabla que fa que generalament, e mai garden lo meteis nom, se considera que son dos instruments diferents.