Soabia

Un article de Wikipèdia, l'enciclopèdia liura.
Anar a : navigacion, Recercar
Frontièras actualas de la Soabia en Alemanha. En blau, lo Baden-Württemberg (Land) e en ròse le districte de Soabia del Land de Bavièra. La Soabia es una region istorica d'Alemanha mai larga que la circonscripcion (Regierungsbezirke) del meteis nom en Bavièra.

La Soabia (en alemand Schwaben) es una region istorica d'Alemanha. Lo districte de Soabia es tanben lo nom d'una de las 7 regions administrativas (Regierungsbezirke) del land de Bavièra.

Etmologicament, lo mòt Schwaben se deduch del pòple dels Suèvas, un grop de tribús germanicas.

Istòria[modificar | modificar la font]

Pendent l'Edat Mejana nauta, lo reialme d'Alemania regropava de pichons reialmes sul territòri dels Alamans. Aqueles èran someses pels Francs jos Clodovèu I e Teodebèrt Ièr. Al començament del sègle VI, l'Alemania es un ducat jol contraròtle dels Francs, fins a que siá dissolgut en 746 en rason del Chasple de Cannstatt.

En 829, lo reialme de la Soabia se formèt sul meteis territòri, que foguèt atribuit a Loís II lo Germanic e doncas a la Francia orientala dins lo tractat de Verdun en 843. Aprèp la reforma dels comtats dins la Francia orientala, lo Ducat de Soabia foguèt alara format en 915; s'espandissiá alara dempuèi los Vòges dins l'oèst fins a Lech dins l'èst e a Chiavenna, ara en Itàlia, dins lo sud.

Aprèp de longas disputas amb los Welfen (Guelfes), la familha dels Hohenstaufen venguèt alara la mai poderosa del ducat.

Jos l'emperaire Frederic II, las tèrras familialas dels Hohenstaufen, que lo ducat de Soabia fasiá alara partit, son ligadas dirèctament a la corona imperiala.

Pendent lo periòde de l'interrègne de 1250 a 1273, los territòris soabias avián pas de suzerin e èran doncax autonòms. Quand en 1273, Rodolf Ièr d'Habsbourg venguèt rei, gardèt fòrça dels seus privilègis d'autonomia de las vilas e de las abadias soabias e los officializèt coma Estats liures d'empèri. Lo ducat de Soabia s'acabèt alara d'existir politicament e se desintegrèt en de comtats coma las vilas e abadias liuras, que gaireben totes existissián fins 1803.

Ara, la Soabia se definís per la zona linguistica del soabi, situat a l'encòp a l'èst del Baden-Württemberg e l'oèst de la Bavièra.

Vejatz tanben[modificar | modificar la font]