Rugbi Club Tolonenc

Escut dau RCT.

Lo Rugbi Club Tolonenc (abreujat RCT) es una equipa de rugbi de la vila de Tolon e una dei majoras còlas d'Occitània e dau campionat francés dau Top 14. Foguèt quatre còps campiona de França (1931, 1987, 1992 e 2014) e très còps de reng campiona d'Euròpa (2013, 2014 e 2015).

Lo club foguèt creat en 1908 per fusion de l'Estela Esportiva Varesa e d'una part de l'Estadi Varés. Sos primiers vestits foguèron donats per l'Estadi Tolosenc, que n'a las meteissas colors (roge e negre).

Son estadi es l'Estadi Mayol que pòrta lo nom dau cantaire tolonec Félix Mayol que donèt l'argent per lo bastir.

Palmarès

Competicions internacionalas	Competicions nacionalas	Competicions nacionalas disparegudas
Copa d'Euròpa: Venceire : 2013, 2014, 2015. Challenge Europèu : Venceire: 2023. Finalista : 2010, 2012, 2020, 2022.	Campionat de França: Venceire: 1931, 1987, 1992, 2014. Finalista: 1948, 1968, 1971, 1985, 1989, 2012, 2013, 2016. Campionat de França de Segonda Division: Venceire: 2005, 2008. Vice-campion: 2001.	Challenge Yves du Manoir: Venceire: 1934, 1970. Finalista: 1939, 1954, 1983.

Liames extèrnes

• Site oficiau