Ravi Shankar
|
||||||||||||
|---|---|---|---|---|---|---|---|---|---|---|---|---|
| Naissença | ||||||||||||
| Decès | ||||||||||||
| ID d'artista de MusicBrainz | 697f8b9f-0454-40f2-bba2-58f35668cdbe | |||||||||||
| VIAF | 84975629 | |||||||||||
| GND | 118764993 | |||||||||||
| ISNI | 0001 2141 8949 0000 0001 2141 8949 | |||||||||||
| LCCN | n50001487 | |||||||||||
 |
Wikimedia Commons prepausa de documents multimèdia liures sus Ravi Shankar. | |||||||||||
Ravi Shankar (en bengalí: রবি শঙ্কর Robi Shôngkor, e en indi: रवि शंकर) (nascut lo 7 d'abril de 1920, a Varanasi, dins la region d'Uttar Pradesh, en Índia) es un compositor indian plan conegut per sa granda virtuositat amb son instrument de predileccion la citara. Es lo paire de la cantaira americana Norah Jones.
Foguèt discipol d'Allauddin Khan (lo fondaire del Maihar gharana de musica classica indiana). Pandit Ravi Shankar es incontestablament l'instrumentalista indian mai conegut e se lo coneis fòrça per encausa de son òbra pionièra de menar lo poder e l'atraccion de la tradicion musicala classica indiana, coma en general la musica indiana e sos interprèts d'un biais general, dins lo mond occidental. Faguèt aquò a partir de sa collaboracion amb los Beatles (particulalarament George Harrison) e tanben gràcias a son carisma personal. Sa carrièra musicala s'espandís sus mai de sièis decadas e Shankar es actualament lo detentor del Recòrd Guinness de la carrièra internacionala mai longa.
Enfança e joventut [modificar]
Ravindra (Ravi) Shankar nasquèt dins una familha bramana bengalí, que son país d'origina es l'actuala Kalia Upozila dins lo districte de Narail, Jessore, a Bangladèsh. Son paire, Shyam Shankar, un avocat eminent, viatjava sovent. Lo nom de sa maire èra Hemanginee, e son fraire ainat Uday Shankar èra un celèbre dançaire classic. En 1930, quand teniá pas que 10 ans, Ravi Shankar s'installèt a París (França) amb sa maire e sos fraires Davendra e Rajendra per tal de rejónher son paire e son fraire ainat. Pendent son adolescéncia Ravi joguèt de citara amb la tropa de dança d'Uday Shankar, essencialament amb Anna Pavlova en Union Sovietica.
