Ramon Berenguier V de Provença

Ramon Berenguier V de Provença

Nom	(fr) Raimond Bérenger IV de Provence
Biografia
Naissença	valor desconeguda Ais de Provença
Mòrt	26 Agost de 1245 Ais de Provença
Donadas personalas
Religion	Cristianisme
Activitat
Profession	òme politic
Autres
Descendéncia	Alienòr de Provença, Margarida de Provença, Beatriu I de Provença (ca) , Sança de Provença
Maire	Garsenda de Sabran (ca)
Paire	Anfós II de Provença
Fraires	Garsenda de Provença (ca)

Ramon Berenguier IV o V nascut vèrs 1199 e mòrt lo 19 d'aost de 1245 as Ais de Provença, foguèt còmte de Provença de 1209 a 1245 e còmte de Forcauquier de 1222 a 1245.

Biografia

Fiu dau còmte Anfós II de Provença e de Garsenda de Sabran comtessa de Forcauquier, foguèt nomenat còmte de Provença a quatre ans. Foguèt ensenhat per son oncle Pèire II d'Aragon que moriguèt a la batalha de Murèth lo 12 de setembre de 1213, pendant la Crosada deis Albigés. Es en 1216, a 17 ans, que Ramon Berenguier V se venguèt mostrar ai provençaus.

Se maridèt amb Beatritz de Savòia en 1219, filha dau còmte de Savòia Tomàs Ier.

En 1222, la posicion de Ramon Berenguier V es solidament assegurada, e Garsenda de Forcauquier li cediguèt lo comtat de Forcauquier per s'endintrar au monastèri de Celas. Recampèt lei dos comtats separats per lei partatges de succediment subrevenguts après la desaparicion de la premiera dinastia provençala.

Ramon Berenguier V ne sosquegèt pas a se jónher a la crosada còntra leis Albigés e sometèt dins l'òrdre lei consolats d'Arle e de Marselha que creèron de trebolèris dins lo comtat.
L'arribada de Loís VIII de França amb son armada en 1226 permetèt a Ramon Berenguier d'abolir lei consolats e lei libertats urbanas d'Avinhon e Tarascon, e mai lei de Grassa (1227) e Niça (1229).
Loís VIII de França e Ramon Berenguier V entrèron dins la vila d'Avinhon, lo 12 de setembre de 1226. Lo rei de França se rendèt puei en Lengadòc e moriguèt en fin de la mesma annada.

Ramon Berenguier V temptarà durant tot son renhe de possedir la Republica d'Arle e la Republica de Marselha qu'èran sota l'aparament de Ramon VII de Tolosa, e mai la comuna de Tarascon que se revoltèt en 1231.

Maugrat totei aquelei guèrras, Ramon Berenguier V es lo creador deis armariás de Provença, semblant curiosament aquelei de Catalonha. Es a la capciera dins son reiaume dei bailes que devènon lei reprojeires dau poder comtau.

Ramon Berenguier bastiguèt la vila de Barciloneta, en 1231, en onor de sei rasigas catalanas, dins lei montanhas d'Auta Provença. Acordèt a la ciutat naissenta lei pus bèus privilègis.

Agrandiguèt tanben la vila dau Martegue, onte vouguèt far una plaça de primier òrdre e faguèt bastir la glèisa de Sant Joan de Malta d'Ais de Provença, primier edifici gotic de Provença.

Descendéncia

Ramon Berenguier V aguèt quatre filhas unicament amb Beatritz de Savòia:

• Margarida de Provença (1221 - 1295), se maridèt amb Loís IX de França dich Sant Loís.
• Alienòr de Provença (1223 - 1291), se maridèt amb Enric III d'Anglatèrra.
• Sança de Provença (1228 - 1261), se maridèt amb Ricard de Cornoalha, emperaire dei Romans.
• Beatritz de Provença (1231 - 1267), se maridèt amb Carles Ier d'Anjau que prenguèt la succession dau tròn de Provença e de Forcauquier. Es lo primier de la segonda dinastia dei sobeirans de Provença.

Precedit per	Ramon Berenguier V de Provença	Seguit per
Anfós II	comte de Provença 1209-1245	Beatritz