Pierre Perret
Pierre Perret, nascut lo 9 de julhet de 1934 als Sarrasins (en Occitània, a l'oèst de Montalban), es un autor, compositor e cantaire francés.[1]
Plan a son aise ambe lo vocabulari e la musicalitat del francés escolar, Pierre Perret mesprèsa pas çaquelà lo francés popular qu'emplega volontàriament dins de nombroses tèxtes. Dins un estili aparentament ninòi, quitament infantil, ambe candor e umanisme, Pierre Perret pausa de questions de fons pertinentas que declama d'un risolet maliciós.
Cantaire popular e autor reconegut, de còps un pauc comparat a Georges Brassens quand comencèt de cantar, s'illustra per un repertòri variat compausat siá de cançons infantilas (Les Jolies colonies de vacances, Mon p'tit Loup, La cage aux oiseaux), umoristicas (Le plombier, Le Tord-boyaux, Estelle), pebradas (Le Zizi, La Corinne), leugièras (Tonton Cristobal, Les Majorettes, Les baisers) o engatjadas (Lily, La Bête est revenue), entre umor e tendresa.
Coma autor, Pierre Perret a publicat de nombroses libres sus la lenga francesa e mantuns sus la gastronomia.
Pierre Perret a fach tanben un pauc de cinèma. Sonque figurant ja a dètz ans en 1944 dins lo filme Le Carrefour des enfants perdus, es estat actor vertadièr en 1958 dins Les Étoiles de midi, en 1969 dans Les Patates, en 1970 dins Un été sauvage e en 1971 dins Le Juge.
« Soi dels Sarrasins »[modificar | Modificar lo còdi]
Pierre Perret evòca son enfància occitana dins una caçoneta que se titola Je suis de Castelsarrasin (sos parents, Maurici e Claudia, tenián L'Estanquet del Pont als Sarrasins), dins la quala i doas frasòtas en occitan, Vau al mercat a Sarrasin e Mon Diu, pichon ! te vas negar, fas atencion !.
« Je suis de Castelsarrasin
Et du patois je m'en souviens
Les paysans disaient le jeudi
Vau al mercat a Sarrasin
Et l'été quand le soleil donne
J'allais me baigner à Garonne
Mémé disait Mon Diu, pichon !
Te vas negar, fas atencion »
Aquesta cançon, Je suis de Castelsarrasin, es estada represa en 2017 per Olivia Ruiz ambe lo duò Mouss et Hakim (del grop tolosenc Zebda) e la polifonia occitana Lo Barrut,
Cançons mai conegudas[modificar | Modificar lo còdi]
- Moi j’attends Adèle (1958)
- Le Tord-boyaux (1964)
- Les Jolies colonies de vacances (1966)
- Tonton Cristobal (1967)
- Les Baisers (1968)
- Olga (1971)
- La cage aux oiseaux (1973)
- Le plombier (1973)
- Les Majorettes (1974)
- Le Zizi (1975)
- Vaisselle cassée (1976)
- Je suis de Castelsarrasin (1976)
- Lily (1977)
- Mon p'tit Loup (1979)
- Estelle (1979)
- Comment c’est la Chine ? (1983)
- La petite Kurde (1992)
- La Corinne (1995)
- La Bête est revenue (1998)
- Paris saccagé (2023)