Partit Occitan
|
||||||||||||
|---|---|---|---|---|---|---|---|---|---|---|---|---|
Lo Partit Occitan (POC, PÒC) [ˈpɔk] es un partit occitanista d'esquèrra.
Somari |
Originas [modificar]
Lo Partit Occitan espeliguèt a Tolosa en 1987. Foguèt la resulta del recampament de militants politics isolats; dels candidats que se presentèron a las eleccions regionalas de 1986 (lista "Union Occitana" dins Tarn, lista "Per las regionalas, los Regionalistas" dins Nauta Garona, etc...); e de la fusion de mantun movement occitanista (Volèm Viure Al País, País Nòstre...). Aquela union dels tres elements foguèt possibla sus la basa de la Carta del partit.
Objectius [modificar]
Lo Partit Occitan vòu :
- Enançar un movement politic occitanista credible, independent de tot autre partit e luchant per la reconeissença e l'autonomia d'Occitània.
- Desalienar e conscientisar lo pòble occitan.
- Far emergir la question occitana dins lo domeni politic.
Preséncia electorala [modificar]
Desempuèi 1987, lo Partit Occitan a pas arrestat de presentar candidats a las eleccions municipalas, cantonalas, regionalas, legislativas e europèas. Baileja quauques comunas ruralas gràcias a sos cònsols e mai a d'elegits dins mantunes municipis.
Accion politica [modificar]
Lo Partit Occitan es present en Occitània dins las luchas economicas o d'amainatjament del territòri. Sos militants intervenon dins la batèsta per l'emplec, contra la toristificacion a l'excès, contra lo nuclear, per la salvagarda del patrimòni natural... Sos militants son tanben actius dins las accions d'aparament e de promocion de la lenga et de l'identitat occitanas.
Aliganças politicas [modificar]
Lo Partit Occitan es afiliat a la federacion "Regions e Pòbles Solidaris" que recampa divèrsas organizacions politicas dels pòbles e regions de França. Es atanben sòci d'un recampament d'organizacions nacionalistas e regionalistas de divèrses Estats d'Euròpa : l'Aligança Liura Europèa. Aqueste partit compta un certan nombre de deputats al Parlament d'Estrasborg. Lo Partit Occitan a tanben una aligança privilegiada amb lo partit ecologista francés e europèu Los Verds.
Gustau Aliròl es actualament lo pòrtaparaula del Partit Occitan e lo president de Regions e Pòbles Solidaris.
Organizacion [modificar]
Los comitats locals o despartimentals son ramosats en federacions regionalas. Lo Conselh Nacional del Partit amassa los delegats representants dels comitats locals e de las federacions regionalas (es lo parlament del partit). Lo Burèu Nacional es elegit cada dos ans pel Congrès del partit (es l'executiu del partit). Lo Congrès es dubèrt a totes los sòcis del partit.
Premsa [modificar]
Lo Partit Occitan possedís tanben un jornal que se ditz "Occitània - Volem Viure Al Pais". Aqueste pareis cada dos meses.
Occitània - VVAP - BP 28 - 81370 Sant Somplesi
De mai, "Lo CEBIER - la letra occitanista" pareis cada dos meses (Federacion provençau del Partit Occitan).
Région Provence / Lo CEBIER - BP 2 - 84400 Gargas Cedex
Ligams extèrnes [modificar]
- Site oficial del Partit Occitan (oc) (fr) (en)
- Blòg del Comitat País Tolosan del Partit Occitan
- Blòg Seccion d'Erau del Partit Occitan
- Site Comitat Cantalés del Partit Occitan
- Blòg del Comitat d’Albigés (País de Tarn e d’Agot) del Partit Occitan
- Blòg Seccion Provença-Var del Partit Occitan
- Seccion Provença-Bocas dau Ròse/Vaucluse del Partit Occitan
- Blog Seccion Charanta occitana del Partit Occitan
.svg){kind=small}
