Pèire Bermon Ricas Nòvas

Aqueste article es redigit en provençau.
Un article de Wikipèdia, l'enciclopèdia liura.

Pèire Bermon, dich Ricas Nòvas.

Pèire Bermon Ricas Nòvas (fl. 1230-1242; Pèire Bermoun en nòrma mistralenca[1]; Peire Bremon Ricas Novas en occitan ancian), dich popularament e simplament Pèire Bermon o Ricas Nòvas, èra un trobador provençau qu'a daissat vint òbras: tretze cansos, sièis sirventés e un tenso. Son tractament de l'amor cortés èra quauque pauc originau.

Lo senhal o sobrenom de Pèire, Ricas Novas, significa "istòrias interessantas" (literalament "novèlas ricas"). Aquò indica sa reputacion de jonglaire qu'espandissiá de contes sauvatges. L'identitat provençala de Pèire es confirmada per son poèma La cart cartier aurem nos autri proensal, ambé sa referéncia a "nosautres provençaus". Maugrat aquò, los saberuts son en desacòrd pertocant saber se Pèire es nascut a Rodés, Barbentana o a Nòvas[2][3][4]. Nòvas sembla èsser la teoria la mai populara, e es citat per Mistral dins lo Tresaur dau Felibritge[5].

La primiera òbra databla de Pèire es una tenso escricha a la cort de Raimon Berenguier IV de Provença en 1230 ambé Gui de Cavalhon. A la cort de Provença, Pèire encontrèt tanben Bertran d'Alamanon e Sordèu, dont imitèt lo planh per Blacàs. Pèire quitèt la cort de Raimon Berenguier vèrs 1237 o après e anèt a la de Barral dei Bauç e d'ailà a la de Raimon VII de Tolosa. Maugrat que i aja pas cap de traça de sa visita en Espanha, son Rics pres, ferms e sobeirans celèbra una domna (dòna) castelhana anonima. Acabèt per se desavenir ambé Sordello e lei dos aguèron un escambi acrimoniós de sirventés vitriolics en 1240-1241.

Veire tanben[modificar | Modificar lo còdi]

Bibliografia[modificar | Modificar lo còdi]

Articles connèxes[modificar | Modificar lo còdi]

Ligams extèrnes[modificar | Modificar lo còdi]

Nòtas e referéncias[modificar | Modificar lo còdi]

Nòtas[modificar | Modificar lo còdi]

Referéncias[modificar | Modificar lo còdi]

  1. ↑ https://books.google.com/books?id=ra1JAQAAMAAJ&newbks=1&newbks_redir=0&dq=%22Tr%C3%A9sor%20d%C3%B3u%20F%C3%A9librige%22%20AND%20%22Bremound%22%20and%20%22Troubadour%22&pg=PA270#v=onepage&q=%22Tr%C3%A9sor%20d%C3%B3u%20F%C3%A9librige%22%20AND%20%22Bremound%22%20and%20%22Troubadour%22&f=false
  2. ↑ https://books.google.com/books?id=An1Vec2QW3cC&newbks=1&newbks_redir=0&lpg=PR10&dq=%22Peire%20Bremon%22%20AND%20%22Barbentane%22&pg=PR10#v=onepage&q=%22Peire%20Bremon%22%20AND%20%22Barbentane%22&f=false
  3. ↑ https://www.persee.fr/doc/anami_0003-4398_1954_num_66_27_5999#anami_0003-4398_1954_num_66_27_T1_0249_0000
  4. ↑ https://books.google.com/books?id=rYUTAAAAQAAJ&lpg=RA2-PA323&ots=HmETZ9q44N&dq=%22troubadour%22%20AND%20%22Noves%22%20and%20%22Bremon%22&pg=RA2-PA323#v=onepage&q=%22troubadour%22%20AND%20%22Noves%22%20and%20%22Bremon%22&f=false
  5. ↑ https://tdf.locongres.org/files/assets/common/page-substrates/page1633.jpg
  6. ↑ https://tdf.locongres.org/files/assets/common/page-substrates/page1980.jpg
  • (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Peire Bremon Ricas Novas ».
Recuperada de « https://oc.wikipedia.org/w/index.php?title=Pèire_Bermon_Ricas_Nòvas&oldid=2403079 »