Najat Vallaud-Belkacem
Najat Vallaud-Belkacem, nascuda Najat Belkacem lo 4 d'octobre de 1977 a Beni Chiker al Marròc, es una femna politica francomarroquina, nomenada lo 16 de mai de 2012 ministra dels Dreches de las Femnas e pòrtaparaula del govèrn de Jean-Marc Ayrault.
En 2007, èra pòrtaparaula de Ségolène Royal pendent la campanha de l'eleccion presidenciala, puèi en març de 2009, e encara pòrtaparaula de Ségolène Royal dins la primària presidenciala socialista de 2011. Lo 16 de novembre de 2011, François Hollande, venceire de la primària la nomena pòrtaparaula de sa campanha presidenciala.
Biografia[modificar | Modificar lo còdi]
Originas, estudis, començament de carrièra[modificar | Modificar lo còdi]
Segonda d'una familha de sèt enfants, Najat Belkacem nasquèt dins la campanha marroquina en 1977 a Beni Chiker, un vilatge prèp de Nador, dins lo Rif. Jonhèt lo paire en 1982, emigrat en França e obrièr dins lo bastiment, amb maire e sa sòrre aïnada Fatiha e visquèron dins lo quartièr nòrd d'Amians[1].
En 2000, sortiguèt diplomada de l'Institut d'Estudis Politics de París ont encontrèt Boris Vallaud[2], (director general dels servicis del Conselh General de Sòna e Léger) que venguèt lo seu marit lo 27 d'agost de 2005. Aguèron de bessons, Louis e Nour, (2008).
Najat Belkacem comencèt sa vida professionala per jurista dins un cabinet d'avocats parisenc al Conselh d'Estat e a la Cort de Cassacion pendent tres ans[3].
Carrièra politica[modificar | Modificar lo còdi]
Najat Belkacem entra al Partit Socialista aprèp le 21 d'abril de 2002 e jonguèt, coma encargada de mission, en genièr de 2003 l'equipa de Gérard Collomb, senator-cònsol de Lion, (accions per renforçar la democracia de proximitat, la luta contra las discriminacions, la promocion dels dreches dels ciutadans o lor accès a l’emplec e al lotjament).
Elegida en març de 2004 conselhièra regionala de Ròse-Aups sus la lista de Jean-Jack Queyranne, (presidenta de la comission cultura). Demissionèt en junh de 2008.
En 2005, venguèt conselhièra nacionala al Partit Socialista.
Aprèp d'èsser assistenta parlamentària de Béatrice Marre (Oise) pendent un an, se liguèt, lo 22 de febrièr de 2007, l'equipa de campanha als costats de Vincent Peillon e Arnaud Montebourg[4].
En març de 2008, foguèt elegida conselhièra generala de Ròse a las eleccions cantonalas amn 58,52 % dels vòtes al segond torn e conselhièra municipala sus la lista d'Union de l'esquèrra conducha per Gérard Collomb pendent las eleccions municipalas a Lion.
En març de 2010, comencèt d'ensenhar als estudiants de master « afars publicas » de l'Institut d'Estudis Politics de París (prospectiva en politica).
A la candidatura de Ségolène Royal a la primària presidenciala socialista de 2011, venguèt tornarmai pòrtaparaula amb Delphine Batho e Guillaume Garot.
François Hollande, aprèp sa victòria a la primària presidenciala socialista de 2011 e sa designacion coma candidat del Partit Socialista e del Partit Radical d'Esquèrra a la presidenciala de 2012, nomenèt, lo 16 de novembre de 2011, Najat Vallaud-Belkacem pòrtaparaula per aquela campanha presidenciala.
Lo 16 de mai de 2012, Najat Belkacem, foguèt nomenada ministra dels Dreches de las Femnas e pòrtaparaula del govèrn de Jean-Marc Ayrault.
Idèas e posicions[modificar | Modificar lo còdi]
Egalitat de las escasenças e pluralitat visibla[modificar | Modificar lo còdi]
Najat Belkacem relèva lo concèpte de « pluralitat visibla »[5] dins la societat francesa, diversitat e egalitat essent pas incompatiblas segon ela. Lo 15 de setembre de 2010, escriguèt e publiquèt amb lo sociològ Éric Keslassy un libre per la Fondacion Jean Jaurès[6] que los editors presentan atal: [[cita|En plana subredicha securitària del govèrn, Éric Keslassy e Najat Vallaud-Belkacem prepausan una « tresena via » per resòlvre las dificultats ligadas a l’integracion.
La nominacion de Najat Belkacem, « Ministra dels Dreches de la Femna » èra contra la lei d'interdiccion la portadura de la burqa.[7]
Al delà dels problèmas ligats a l'integracion, Najat Vallaud-Belkacem compta sur la nocion d'egalitat de las escasenças - egalitat de las oportunitats que fonciona pas mai dins nòstra societat çò que se verificariá per apauriment de la societat francesa, agreujat per la crisi. Lo jornal Le Monde publiquèt una tribuna de Najat Vallaud-Belkacem intitulada « Far pagar la crisi als paures es pas una fatalitat »[8], que torna sus la pauretat en França e las responsas politicas envisatjadas e envisatjablas.
Dreches LGBT e bioetica[modificar | Modificar lo còdi]
Encargada de las questions de societat al PS, s'ocupèt de l'egalitat dels dreches pels Lesbianas, Gays, Bisexuals e Rransgenres (LGBT) e las questions de bioetica. Considèra qu’es temps de « traduire l'evolucion del modèl familial dins lo drech »[9].
Sus las questions d’egalitat dels dreches pels LGBT, defend la dubertura del maridatge e de l’adopcion als parelhs de meteis sèxe e la luta contra l’omofobia e la transfobia. Rapèla qu'aquelas revendicacions son inscrichas dins las trenta prepausas prioritàrias del projècte del Partit Socialista per l'election presidenciala de 2012[10]. Pauc abans l'eleccion presidenciala de 2012, representèt lo candidat François Hollande al miting Egalitat LGBT 2012 organizat per l'Inter-LGBT e foguèt jutjada aquela que se sentèt lo melhor sus aquelas questions per la revista Têtu e paln amada del public LGBT[11].
Per la bioetica, Najat Vallaud-Belkacem trabalhèt amb Bertrand Monthubert, Secretari nacional del Partit Socialista encargat de l’Ensenhament Superior e de la Recèrca, sul subjècte en vista de la revision de las leis de bioetica.[12].
Revolucion numerica e questions de generacion[modificar | Modificar lo còdi]
Crei en la revolucion numerica, l’Internet liure e los malhums socials. Prenguèt alara posicion contra la lei Hadopi e fa partida del Collectiu de 40 autors.[13]Najat Vallaud-Belkacem, « Quand lo vuèit ideologic encontra la paur de l’avenidor: Hadopi »: (fr) La batalha Hadopi.</ref>, militant major dins aquel domeni.
Publicacions[modificar | Modificar lo còdi]
- amb Eric Keslassy Pluralitat visibla e egalitat de las oportunitat (setembre de 2010)
- amb Guillaume Bachelay Reagissètz ! Respondre al FN de A a Z, ed: Jean-Claude Gawsewitch Éditeur (setembre de 2011)
- Rason de mai !, ed: Fayard (març de 2012)
Mandats[modificar | Modificar lo còdi]
Conselh Regional de Ròse-Aups[modificar | Modificar lo còdi]
- Conselhièra regionala de Ròse-Aups, sus la lista de Jean-Jack Queyranne de març 2004 a 2008
- Presidenta de la comission cultura al Conselh Regional de Ròse-Aups de 2004 a 2007
- Vicepresidenta de la Region de Ròse-Aups encargada de la cultura de 2004 a 2007
- Membra de l'executiu de la Region de Ròse-Aups, conselhièra delegada a la cultura de julhet de 2007 a 2008
Conselh de la Comunautat Marroquina a l'Estrangièr[modificar | Modificar lo còdi]
- Membra del Conselh de la Comunautat Marroquina a l'Estrangièr de decembre de 2007[14] a decembre de 2011.
Conselh Municipal de Lion[modificar | Modificar lo còdi]
- Conselhièra municipala de Lion, 3n arrondiment sus la lista de Thierry Philip (9 de març de 2008)
- 6a adjuntat al cònsol màger de Lion: Grands eveniments - Jovença - Vida associativa depuis (2008)
- Conselhièra comunautària de la Comunautat Urbana de Lion (2008)
Conselh General de Ròse[modificar | Modificar lo còdi]
- Conselhièra generala de Ròse elegida lo 16 de març de 2008
Ministèri[modificar | Modificar lo còdi]
- Ministra dels Dreches de las Femnas, pòrtaparaula del govèrn dempuèi lo 16 de mai de 2012
Nòtas e referéncias[modificar | Modificar lo còdi]
- ↑ "Bertoin" Jacques Bertoin,(fr) « Najat Belkacem, la visa en ròse », Jeune-afrique.com, 18 de març de 2007}}.
- ↑ "Bertoin">
- ↑ (fr)« Quand Ségolène Royal se defila, Najat Belkacem s'impausa » sus Libération, 2 de julhet de 2008.
- ↑ "Bertoin"
- ↑ (fr)Najat Vallaud-Belkacem - per una egalitat de las oportunitats Sul site worldconf.eu
- ↑ (fr)Pluralité visible et égalité des opportunités Sul site jean-jaures.org
- ↑ [https://web.archive.org/web/20120523030544/http://www.rtl.fr/actualites/politique/article/nadine-morano-la-parite-ce-ne-doit-pas-etre-uniquement-pour-faire-beau-sur-la-photo-7748307129.
- ↑ [1], lemonde.fr, 27 d'octobre de 2011.
- ↑ (fr)Biethica: Traduisam l'evolucion del modèl familial dins lo drech, Le Monde, 16 de febrièr de 2011.
- ↑ (fr)Engatjment 26 del projècte del Partit socialista per 2012.
- ↑ (fr)http://www.tetu.com/actualites/elysee2012/les-candidats-a-la-presidentielle-ont-passe-leur-grand-oral-lgbt-21326 Los candidats a la presidenciala pasèron lor grand oral LGBT, ed:Têtu, 1èr d'abril de 2012.
- ↑ (fr)Rapòrt sus la revision de la lei bioetica.
- ↑ Les 40 auteurs de la Bataille Hadopi
- ↑ (fr)http://www.ccme.org.ma/fr/Le-Conseil/Textes-fondateurs/Communiqu%C3%A9-du-Cabinet-Royal-21-d%C3%A9cembre-2007.html Comunicat del Cabinet reial sul site ccme.org.man 21 de decembre de 2007