Montesquieu

Montesquieu
Biografia
Naissença
a	Bordèu
Decès
a	París
Luòc d'enterrament	q1338207
País	França
Autres informacions
Profession	Filosòf
Notícias d'autoritats
VIAF	27069096
GND	118583670
ISNI	0001 2095 7940 0000 0001 2095 7940
LCCN	n79063793
ULAN
BNF	119166485
SUDOC	027383881
CALIS
CiNii
NDL
ISO standard
	Wikimedia Commons prepausa de documents multimèdia liures sus Montesquieu.

Montesquieu en 1728.

Carles Loís de Secondat, baron de La Breda e de Montesquieu, conegut jol nom de Montesquieu (abans lo 18 de genièr de 1689 a la Breda (Gasconha) - París lo 10 de febrièr de 1755) foguèt un pensaire politic, precursor de la sociologia, filosofia e escrivan del Sègle de las Luses.

Montesquieu, amb entre autres John Locke, foguèt un dels pensaires de l'organizacion politica e sociala de las societats modèrnas. Trabalhèt sus lo despartiment de las foncions de l'Estat entre sas diferentas compausantas, apelat mai tard « principi de separacion dels poders ». Sa contribucion bèla es d'aver sauput expausar als sieus contemporanèus dos modèls de libertat politica : la « libertat moderada » del regim monarquista e la « libertat extrèma » representada per la Constitucion d'Anglatèrra.

Castèl de la Breda

Filh de Jacme de Secondat, baron de Montesquieu (1654-1713) e de Maria Francesa de Pesnel, barona de la Breda (1665-1696), Montesquieu nasquèt dins una familha de magistrats de la bona noblessa, al castèl de la Breda (prèp de Bordèu en Gasconha) que ne'n portèt d'en primièr lo nom e que i serà totjorn fòrça estacat. Los sieus parents li causiguèron un mendicant per pairin per fin que se remembrèsse tota sa vida que los paures èran los sieus fraires.