Michel Plasson

Un article de Wikipèdia, l'enciclopèdia liura.
Anar a : navigacion, Recercar

Michel Plasson (nascut lo 2 d'octobre de 1933 a París) es un cap d'orquèstra francés.

Biografia[modificar | modificar la font]

Estudièt amb Lazare Lévy al Conservatòri de París. Fins a 1958, èra tocaire de batariá a l'Européen (sala situada carrièra Biot a París), dins de clubs e cabarets (participèt a d'enregistraments amb Édith Piaf)[1]. Obtenguèt lo primièr prèmi del Concors de Besançon en 1962, e anèt al Estats Units d'America seguent los conselhs de Charles Münch. Se perfeccionèt amb Erich Leinsdorf, Pierre Monteux e Leopold Stokowski e tornèt en França en 1965. Venguèt director musical de la vila de Mètz pendent tres ans e s'installèt a Tolosa en 1968, per dirigir l'Orquèstra del Capitòli, que l'aucèt al nivèl internacional.

Dempuèi 1990, Michel Plasson a trabalhat tanben amb l'Orquèstra Filarmonica de Drèsda que ne foguèt lo cap màger pendent sèt ans.

Sollicitat per las mai grandas orquèstras e opèras, en Euròpa, als Estats Units d'America, en China e al Japon, Michel Plasson fa viure la musica qu'ama, subretot la musica francesa. Foguèt invitat a l'Opèra de Shanghai, al Teatro Massimo de Palèrme, al Teatre de la Maestranza a Sevilha, al Teatre Reial de Parma, a l'Opèra de Zurich, a l'Opèra de Pequin, Coregias d'd'Aurenja, al Megaron d'Atenas, a Estrasborg, eca.

Michel Plasson dirigís tanben las orquèstras que l'invitan l'Orquèstra de París, l'Orquèstra de l'Opèra de Niça, las orquèstras de Barcelona, Madrid, Valéncia, Sevilha, Las Palmas e Rotterdam, gaireben totas las grandas orquèstras italianas. Dirigís regularament l'Orquèstra Sinfonica Nacionala de China, que n'es lo cap màger per sèt ans.

Ligams extèrnes[modificar | modificar la font]

Nòtas e referéncias[modificar | modificar la font]

  1. (fr)http://www.qobuz.com/info/MAGAZINE-ACTUALITES/RENCONTRES/Michel-Plasson-Partager-le-pain-et48676?utm_source=qobuz_classique_21&utm_medium=e-mail


Precedit per
Roger Gayral
Cap màger, Orquèstra Nacionala del Capitòli de Tolosa‎
1968–2003
Michel Plasson
Seguit per
Tugan Sokhiev
Precedit per
Jörg-Peter Weigle
Cap màger, Orquèstra filarmonica de Drèsda‎
1994–2001
Michel Plasson
Seguit per
Marek Janowski