Maurice Utrillo

Un article de Wikipèdia, l'enciclopèdia liura.

Maurice Utrillo, nascut Maurice Valadon, (París, 25 de decembre de 1883 - París, 5 de novembre de 1955), filh de l'artista Suzanne Valadon, foguèt un pintor francés especializat dins los païsatges urbans. Nascut dins lo quartièr parisenc de Montmartre, es un dels mai famoses pintors de son quartièr natal.

Per sa tendéncia preocupanta a l'alcolisme tombèt malaut dels nèrvis a vint-e-un ans, donc sa maire l'encoratgèt per que comencèsse de pintar. Gràcias a son talent artistic grand e als sols ensenhaments de sa maire, Suzanne Valadon, diboissèt e pintèt çò que vesiá a Montmartre. Tre 1910 son òbra atreiguèt l'atencion dels critics, e ja en 1920 èra una figura legendària e sas òbras s'èran internacionalament difusadas. En 1928, lo govèrn francés l'onorèt amb la crotz de la Legion d'Onor.

Per causa de sos tresviramnts mentals, foguèt mai d'un còp internat dins de sanatoris. A mitat de sa vida, Utrillo venguèt religiós fervent e en 1935, a l'edat de 52 ans, se maridèt amb Lucie Valore e se mudèt a Le Vesinet, dins los *banlieues (fr) de París. Èra alavetz trop malaut per pintar a l'aire liure e, per aquò, pintava los païsatges que vesiá dempuèi las fenèstras de l'ostal, o de memòria. Malgrat son alcolisme, superèt los setanta ans. Moriguèt lo 5 de novembre de 1955 e foguèt enterrat al cementeri Saint-Vincent de Montmartre.

[modificar] Referéncias

• Utrillo, sa vie, son oeuvre, Jean Fabris, Claude Wiart, Alain Buquet, Jean-Pierre Thiollet, Jacques Birr, Catherine

Banlin-Lacroix et Joseph Foret, Editions Frédéric Birr (Paris), 1982