Mantella aurantiaca
Mantella aurantiaca
Mocquard, 1900
- Mantella aurantiaca rubra Staniszewski, 1996
CR B2ab(iii,v) :
En dangièr critic d'escantiment
Estatut CITES
Annèxe II , Rev. del 19/07/2000
Mantella aurantiaca es una espècia de granolha de la familha dei Mantellidae[1]. Endemica de l'illa de Madagascar, viu dins la region de la vila d'Andasibe. Es una granolha pichona que mesura generalament de 19 a 24 mm de longor. Pasmens, certanei femèlas pòdon agantar 31 mm. Es de color roge aranjat e, de còps, sa pèu es pron fina per permetre d'observar dirèctament d'organs. En lo jovenet, la coloracion es verd oliva amb de tacas sornas sus l'esquina. Son mòde de vida es principalament terrèstre e forestier. Es un animau insectivòr qu'a un regime generalista. Migra vèrs de zònas umidas per la reproduccion qu'a luòc entre octòbre e febrier. La ponduda comprèn de 50 a 200 uòus que son fecondats d'un biais extèrne.
Presenta sus un territòri fòrça reduch, Mantella aurantiaca es una espècia en perilh d'extincion en causa de la pression demografica e de la pollucion. De mai, entre 1980 e 2000, foguèt fòrça victima dau comèrci internacionau d'animaus exotics en causa de sa color e de sa raretat.
Liames intèrnes[modificar | Modificar lo còdi]
Bibliografia[modificar | Modificar lo còdi]
Nòtas e referéncias[modificar | Modificar lo còdi]
- ↑ Foguèt descricha per lo premier còp per Raymond Ferdinand Laurent (1917-2005) en 1946.