Mètro de Tolosa

Mètro de Tolosa
Dubertura		1993
Operator		Tisseo
Autoritat		Tisseo-SMTC
Tipe servici		transit rapid sosterranh
Municipalitat(s)		Tolosa, Balmar, Ramonvila e Sant Anha
Territòri cobèrt		Miralh - Bassa Camba, Balmar, Gramont, Bòrdaroja, Ramonvila
Linhas		2
Estacions		37
Longor		27,5 km
Largor ferroviari		1435 mm

Lo Mètro de Tolosa es un malhum de mètro de tipe VAL servissent Tolosa e una part de son aglomeracion. Es esplechat per Tisséo, una regia publica jos l'autoritat del Sindicat Mixte dels Transpòrts en Comun de Tolosa, pus comunament nomenat SMTC. Es esplechat jos la forma de duas linhas A e B, dins los aisses: sud-oèst, nòrd-èst e nòrd–sud. Lo malhum es fòrça recent (mens de vint ans), e fòrça frequentat.

Istòria

Quand la decision de principi de bastir un novel TCSP foguèt presa en 1980 per lo SMTC, s'esperava que lo tramvia foguès causit, sabent que Marcel Cavaillé, secretari d'Estat als transpòrts e cònsol adjunt de Tolosa lancèt un concors per la mesa en servici de tramvias en França.

Lo debat foguèt viu; la majoritat municipala essent favorabla a un VAL e l'oposicion a un tramvia. Los elegits se desplacèron fins a Hannover (lo Stadtbahn) puèi fins a Lilla (VAL de Lilla). Lo SMTC decidiguèt puèi d'un vòte ont la votz del president Guy Hersant foguèt decisiva dins la causida del VAL.

Las òbras comencèron en 1989 e la linha A dobriguèt cinc ans mai tard, en junh de 1993. Una granda refondacion del malhum de bus foguèt facha al meteis temps.

En 1997, se decidiguèt l'alongament de la linha A; las òbras comencèron en 2001 e l'inauguracion se faguèt a la fin de 2003. Puèi la linha B foguèt inaugurada a la fin de 2007

Cronologia

• 1980 : Votacion per lo Conselh Municipal del principi de la creacion d'una linha de mètro sus un ais sud-oèst – nòrd-èst.
• 1984 : Lo SMTC confirma lo principi d'un TCSP sus aquel ais.
• 1985 : Lo SMTC adòpta lo principi del VAL (lo 9 de julhet).
• 1986 : Fin dels estudis tecnics de la linha A definissent son traçat definitiu.
• 1987 : La projècte es declarat d'utilitat publica per lo prefècte (lo 27 d'octobre).
• 1989 : Debuta de las òbras de la linha A.
• 1993 : Inauguracion de la linha A.
• 1997 : Debuta dels estudis preliminars per l'alongament de la linha A e la bastison de la linha B.
• 2001 : Debuta de las òbras d'alongament de la linha A e de la bastison de la linha B.
• 2003 : Dobertura de la linha A completa en decembre.
• 2007 : Dobertura de la linha B (lo 30 de junh).

Malhum

Linha A

La Linha A a 18 estacions e 12,5 km d'extension. S'estend a partir del centre comercial de Balmar (Balmar-Gramont) en traversar Tolosa, fins a l'estacion de Bassacamba.

Mapa Mètro Linha
Legenda Balmar-Gramont Los Argolets La Roseda Bèlmont Marengo-SNCF direccion Francés Verdièr Joan Jaurés direccion Joana d'Arc Capitòli Esquiròl Sant Çubran - Republica Pè d'auca direccion Zenit Arenas direccion TOEC Font l'Estanh Mermoz Bagatèla Miralh-Universitat La Reinariá (mètro de Tolosa) Bèlafont Bassacamba

Orari: 5 h 5 min fins a mièjanuèit (0 h 42 min divendres e dissabte). Es en estudi per 2015 una extension de 5 km al nòrd de la linha, cap a L'Union.

Linha B

Estacion Joan Jaurés, ont se crosan las linhas A e B

Aquesta linha ten 20 estacions e 15 km d'extension.

Mapa Mètro Linha

Legenda Bòrdaroja Tres Cocuts La Vaca Barrièra de París Minimes-Claudi Nogaròu Canal del Miègjorn Compans-Caffarelli Joana d'Arc direccion Marengo-SNCF Joan Jaurés direccion Capitòli Francés Verdièr Carmes Palais de Justícia Sant Miquel-Marcel Langer En Palòt direccion Portèt Sant Simon Sant Anha-SNCF direccion Tolosa Matabuòu Sauselong Ranguèlh Facultat de Farmacia Universitat Pau Sabatièr Ramonvila

D'autras linhas ?

En genièr de 2006, lo consòl, Jean-Luc Moudenc parlèt d'una extension sud de la linha B. En aquesta extension s'incluson 5 km de linha en viaducte, crosant lo Canal de las Doas Mars e l'autota A61, quatre estacions e l'arribada a Labèja-Innopòl. Aquò costariá 330 milions d'euros e s'inaugurariá en 2013.

Tecnica

Las linhas A e B utilizan un mètro guida automatic (sens conductor) de pichon gabarit (a pauc pres dos mètres de larg) : lo VAL, fabricat per Siemens Transportation Systems. Actualament, tres tipes de material rodan, lo VAL 206, lo VAL 208, e lo VAL 208 NG (Novèla Generacion). Actualament, i a 99 ramas: Sus la linha A, i a 29 ramas de VAL 206 e 25 ramas de VAL 208 ; Sus la linha B, i a 45 ramas de VAL 208 (lo VAL 206 pòt pas rodar sus aquela darrièra linha).

Cada rama es compausada de dos carris que s'unisson per parelhs. Aquò necessita de caisses de 52 mètres de long, mas son pas solament de 26 mètres dins lo mètro de Tolosa. Las bordaduras dels caisses son desseparadas de las vias per de pòrtas sincronizadas amb las pòrtas de las ramas. Per aquò, cada cai deu èsser rigorosament drech. Cada rama pòt aculhir fins a 150 o 200 personas.

Las ramas rodan sus pneumatic, dispausan d'una traccion electrica e son alimentadas amb un ralh de corrent contunh de 750 V. Lo guidatge se fa amb de ralhs laterals (que servisson a l'encòp al guidatge e a l'alimentacion). Pòdon escalar de pendas fins a 7%, aténher una velocitat de comercializacion d'a pauc près 65 km/h, e rodar sus la linha amb una frequéncia maximum d'una minuta e cinc segondas sus la linha A. Un Pòst Central de Contròl, situat al garatge talhièr de Bassa Camba, regula e assegura la securitat del malhum, intervenent a distància sus las ramas tre l'aparicion de problèmas.

I a un anonci sonòr del nom de l'estacion abordada abans l'arribada de la rama al cai, e tanben a la partença i a un anonci sonòr de l'estacion venenta. Lo nom de las estacions es anonciat en francés, e dempuèi setembre 2009 tanben en occitan. Dins las ramas VAL 208, lo nom de l'estacion venenta e las correspondéncias de bus defilan sus un panèl de diòdas.

Ligams extèrnes

• (oc) site sus l'occitan dins lo Mètro de Tolosa