Louis Armstrong

Un article de Wikipèdia, l'enciclopèdia liura.
Anar a : navigacion, Recercar
Tièra de 1000 articles que totas las Wikipèdias deurián aver
Còde QRpedia d'estampar per un accès dirècte a aquèth article
Donadas
v · d · m
 Louis Armstrong
Musical notes.svg
Louis Armstrong restored.jpg
Nom Louis Armstrong
Naissença 4 d'agost de 1901 a Nòva Orleans, Loïsiana, Estats Units
País d’origina Flag of the United States.svg Estats Units
Decès 6 de julhet de 1971 a ciutat de Nòva York
Profession(s) musician de jazz
Genre(s) jazz
Instrument(s) cornet e trompeta
Annadas activas c. 1914 - 1971

Louis Armstrong (tanben chafrat Satchmo 1901-1971) que ho un cornetista e trompetista solista e improvisator de jazz deus màgers deu sègle XX, vadut en Loïsiana, Estats Units d'America.

Que ho tanben famós com cantaire dab ua mena de votz particulara emplegada dens mantuns improvisacions. Dab lo cant e l'instrument que desvolopè articulacions e lengatges musicaus hèra influenciaus dens l'istòria deu jazz e dens lo hat d'aqueth art.

Enter los son enregistraments mei famós que's pòt mentàver : Saint Louis Blues, All the Saint go Marching in, What a Wonderfull World, Down by the River Side e Hello Dolly.


Somari

Vita [modificar]

Que vadó dens un quartièr hèra praube de la Nava Orleans (conegut com Back of Town) dens ua familha prauba. Qu'èra arrèr-hilh d'esclau. Lo son pair, William Armstrong, qu'abandonè la soa familha entà anar víver dab ua auta hemna e la soa mair que'us deishè eth e la soa sòr Beatrice a la carga de la soa ajòla Josephine Armstrong.

Mainatge qu'avó d'ensajar de ganhà's quauques sòus e que passè hèra de temps dens las carrèras. Aus 11 ans qu'abandobè l'escòla e que's ganhè quauque argent en bèth cantar per carrèras en quartet.

Que trobè un tribalh auprès d'ua familha judiva nomada Karnofskys qui l'adoptèn d'un cèrte biais sabent qu'èra haut o baish abandonat. Que' crompè lo son purmèr cornet dab la loa moneda. En sovièr d'aquesta bontat Armstrong que portè tota la soa vita l'Estela de Dàvid au còth ; qu'aprengó atau dab eths lo yiddish.

Lo purmèr instrument de Louis Armstrong que ho lo cornet, practicat dehens la New Orleans Home for Colored Waifs, institucion de castig e d'educacion per menors on e ho mandat per'mor d'aver tirat còps de huec en l'aire entà celebrar cap d'an.

A la soa sortida d'aquesta institucion que exercè mantuns petits emplecs com per exemple venedor de carbon abans de har lo musician dens lo quartièr d'espectacle e de prostictucion de Storyville on e conegore Joe "King" Oliver, lo son mèste.

Recomandat per eth auprès de Kid Ory, que perseguí la soa carrièra dens la soa orquèstra.

En 1922 que's tornèr juntar dab King Oliver dens la soa orquèstra a Chicago, alavetz capitala deu jazz. A maugrat de har lo segon cornet, que comencè a impausà's com solista e, amassas, qu'enregistrèn en 1923. En 1924 Armstrong que's maridè dab la pianaista de Oliver, Lillian Hardin, qui l'encoratgè a anar perseguir la soa carrièra a Nava York.

Acerà, qu'entrè dens l'orquèstra de Fletcher Henderson, ua de la màger d'aquesta tempsada ; que cambiè lo cornet per la trompeta, qu'aprengó a léger la musica e que produsí un gran nombre d'enregistraments dab mantun aute musician dont lo gran saxofonista soprano Sidney Bechet.

En 1925 que tornè a Chicago on creè los sons dus grops los Hot Five e los Hot Seven. Las annadas seguentas que hon hèra ricas en produccion musicau e Armstrong que desvolopè lo scating, un mòde d'improvisacion lirica e ritmica en bèth cantar en tot articular sillabas shens nat sens.

A la debuta de las annadas 1930 que miè ua virada trionfala en Euròpa (dab un succès deus grans en França).

Que s'installè dens lo Queens a Nava York on fondè un navèth grop aperat All Stars.

En 1964 qu'avó un immens succès dab lo son títol Hello Dolly.

A la fin de la soa vita que joguè dens mantuns país dab lo sostien deu Departament d'Estat deus Estats Units dab lo chafre Ambassador Sachmo. Qu'arrefusè totun de jogar aqueth ròtle a l'escadença deu son viatge en Union Sovietica per'mor deus biais, segon las soas paraulas lo govèrn american " [...] tracta mon pòble [los Africans Americans] ". Après las soas atacas contra lo president, lo FBI que l'espionè dinc a la fin de la soa vita en lo bèth categorizar com « comunista ».

Que's morí d'ua ataca cardiaca en 1971 au miei deu som dehens lo son ostau deu Queen, vadut en musèu nacionau en 1977.

Conviccions [modificar]

Armstrong que ho eslhevat com baptista, en bèth portar l'Estela de Dàvid en sovièr de la familha deus Karnofskys, qu'èra amic dab Papa e que's he batejat catolic.

Que ho un partisant deus drets deus Africans americans e de Martin Luther King. Qu'arrefusè de representar los Estats Units a l'escadença d'un viatge en Union Sovietica en protestacion deu biais qui los Estats Units e tractavan los Africans americans e qu'avó paraulas agressivas au subjècte deu president Dwight D. Eisenhower per'mor de çò qui considerava com la soa manca de coratge e lo son cinisme sus aqueth subjècte. Dinc a la fin de la soa vita lo FBI lo categorizè com « comunista » e lo susvelhè.

Videoclips de youtube.com [modificar]

Biografia en anglés :

Pèças de musica :

Referéncias [modificar]


Bibliografia [modificar]

  • (fr) Louis Armstrong, Ma vie à la Nouvelle-Orléans, éd. Coda, Paris, 2006 (ISBN 284967026X)
  • (en) Louis Armstrong et Thomas Brothers, Louis Armstrong, in His Own Words: Selected Writings, Oxford University Press, Oxford, 2001 ISBN 0-19-514046-X.
  • (en) Laurence Bergreen, Louis Armstrong: An Extravagant Life, éd. HarperCollins, New York, 1998 (ISBN 0553067680)
  • (en) Michael Cogswell, Armstrong: The Offstage Story of Satchmo, Collectors Press, Portland, 2003 ISBN 1888054816.
  • (en) Michael Meckna, Satchmo: The Louis Armstrong Encyclopedia, Greenwood Press, Westport, 2003 ISBN 0-313-30137-9.



Recuperada de « http://oc.wikipedia.org/w/index.php?title=Louis_Armstrong&oldid=1764278 »