Lavanda
Un article de Wikipèdia, l'enciclopèdia liura.
|
|||||||||
|---|---|---|---|---|---|---|---|---|---|
 |
|||||||||
| Lavandula angustifolia | |||||||||
| Classificacion classica | |||||||||
| Règne | Plantae | ||||||||
| Division | Magnoliophyta | ||||||||
| Classa | Magnoliopsida | ||||||||
| Òrdre | Lamiales | ||||||||
| Familha | Lamiaceae | ||||||||
| Genre | |||||||||
| Lavandula L., 1753 |
|||||||||
| Classificacion filogenetica | |||||||||
| Òrdre | Lamiales | ||||||||
| Familha | Lamiaceae | ||||||||
| Taxons de reng inferior | |||||||||
|
|||||||||
|
|||||||||
Percorrètz la biologia sus Wikipèdia :
|
|||||||||
La lavanda es un aubret dicotiledon de la familha dei Lamiacèas e dau genre Lavandula, de flors lo pus sovent mauvas o violetas dispausadas en espigas, coma la majoritat deis espècias, fòrça nolentas, son largament utilizadas dins totas lei brancas de la perfumariá. Brotan subretot sus lei sòls calcaris secs e solelhós, a l'excepcion de L. stoechas, que preferís lei sòls siliciós.
Totei lei lavandas son de plantas melifèras, fòrça cercadas per leis abelhas.
La lavanda es un dei simbòls de l'agricultura sus lei Planas de Valençòla, onte se fa una gròssa produccion de lavandin e d'espic per l'òli essenciau e lo sabon de Marselha.
[modificar] Lo lavandin
Lavandula intermedia, o lavandin, ibrid naturau entre L. angustifolia (espic) e L. latifolia (badafa). Es la tresena dei lavandas provençalas. Descobèrt un pauc per azard, es cultivat despuei leis annadas 1930. Lo lavandin es uèi l'espècia pus cultivada, que sa flor es mai productritz en òli essenciau que l'espic. Pasmens, son essença es de mendre qualitat per l'odor, e es utilizada dins la perfumariá industriala. Lei superficias cultivadas en lavandins son estimadas a 17 000 ha.
[modificar] Origina geografica
Au començament lei Lavandas brotavan solament en Provença e dins lo bacin mediterranèu, puei la cultura s’es espandida en Euròpa de l’Èst (Bulgaria, Russia, Ucraïna…) e mai en Tasmania o encara en Canadà onte de plants mutats pòdon uèi resistir au gèl.
Lei espics (Lavandula angustifolia) (lavandas "Veraias") brotan a una altitud de 500 a 1700 m sus leis adrechs dei còlas. La qualitat dei lavandas es reputada aumentar amb l’altitud.
Pasmens, la Badafa (Lavandula latifolia) (dicha tanbèn Espiguet o Estamós) es recoltada dins lo bacin mediterranèu entre 0 e 600 m d’altitud.
Lei lavandas dau grop stoechas se desvolopan sus tot l'entorn, especialament en Andalosia e dins la part Sud de Portugau.
Lei lavandins (Lavandula intermedia) son lei lavandas pus cultivadas (de 800 à 1000 t d’essença per an) e pus espandidas que resistisson mai. Se desvolopan espontaneament dins lo Sud de França. Pasmens s'obsèrva un deperiment dei Lavandins Abriau e Sumian que son en via de desaparicion.
