Jura (montanha)
Jura es una cadena de montanha d'Euròpa situada long de la frontièra entra França e Soïssa. Se caracteriza per una forma de creissant s'estendent sus mai de 340 km entre Zuric e Voreppe, seguissent la corbura de l'arc alpenc. Culminant a 1 720 m d'altitud al suc de crêt de la Neige, lo massís ten un clima rude de tipe semicontinental a montanhòl, malgrat son altitud modèsta e sa posicion geografica. Sa geologia complèxa ne fa un modèl de referéncia dins nombrosas disciplinas geologicas e son nom foguèt a l'origina de la denominacion del periòde geologic de Jurassic.