Joan-Marc Leclercq

Un article de Wikipèdia, l'enciclopèdia liura.
Anar a : navigacion, Recercar
Joan-Marc Leclercq durant un concèrt a Anvers (Belgica)

Joan-Marc Leclerq (Lilla, 10 d'octobre de 1961) es un escrivan e musician occitan. Actiu dins la Gasconha tolosana, musicalament es mai conegut actualament jos l'escais de JoMo o mai jOmO. Sa trajectòria musicala, entamenada en 1977, se caracteriza per son plurilingüisme e son afogament per l'esperanto. Apareguèt dins lo Libre Guinness en 2000 que cantèt un recòrd de cançons en 22 lengas diferentas.

Dins sa facieta occitanista escriguèt un metòde d'occitan en 2004 (Le gascon de poche) e puèi un roman Ucraïna en 2006, e es actualament president de l'associacion occitana "Lo Bolegatoish" de Tornafuèlha.

Escriu tanben d'articles d'opinion sul jornal internetian occitan Jornalet, que sovent trachan de tèmas de societat, politica e censura o de rugbi. Demest aquestes, a privilegiat durant 2014, mantun còp, la crisi ucraïniana, sovent vista amb un vejaire parallèl a la propaganda russa, en insistir sus un supausat finançament occidental, e manca d'espontaneïtat, de las manifestacions EuroMaidan, la preséncia d'"un tèrç de militants ultra-nacionalistas deu partit “Svoboda” (Libertat) qu’avèva hèit son entrada au parlament a las darrèras eleccions" [1] e lo pagament d'una part dels autres manifestaires que "recebèvan 50 euros per jorn suu Maidan (+ mangiscla a gratis, de qué béver, etc)" [2].

Occitanisme[modificar | modificar la font]

S'aventurèt dins lo camin de l'escritura amb un roman en occitan, Ucraïna, que foguèt guerdonat pel Prèmi Pau Froment en 2006 que conta l'istòria d'un jove jornalista anglés partit en Ucraïna. Es tanben autor d'una guida de convèrsa francés-occitan gascon que foguèt publicada per las edicions Assimil, Le Gascon de Poche, en 2004.

Trajectòria musicala[modificar | modificar la font]

Joan-Marc Leclercq comencèt son viatge musical en 1977. Foguèt a partir d'aquel temps membre de grops musicals divèrses coma Les Diam's, Les Gringos, Les Evadés d'Alcatraz, Dougherty, Les Vicomtes, Les Rosemary's Babies, Leclerq et les Mammouths e Black & Wesson.

Libres[modificar | modificar la font]

  • Le gascon de poche (ASSIMIL, 2004).
  • Ucraïna (IEO, 2006).

Discografia[modificar | modificar la font]

  • Amb los Rosemary's Babies
    • Lutte de Classe - 1991 (Boucherie Productions)
    • Malin Plaisir - 1993 (Willing Productions)
  • Amb Les Libertaires, en çò de Vinilkosmo
    • JoMo kaj Liberecanoj
    • jOmO friponas (disc festivo-latin)
    • jOmO slavumas (dedicat a la musica d'Euròpa de l'Est)

Referéncias[modificar | modificar la font]

  1. "Ucraïna: Manipulacion o incompeténcia", Jornalet, 11 de març de 2014
  2. "De la dificultat de demorar pacifista sus Facebook", Jornalet, 12 d'agost de 2014