Indigòt

Un article de Wikipèdia, l'enciclopèdia liura.
Anar a : navigacion, Recercar

L'indigòt o l'indigòt dels tinturièrs(Indigofera tinctoria) es una planta de las regions caudas de la familha de las Fabaceas. Son nom generic ven del grèc indikon e vòl dire d'Índia, país ont los Europèus descobriguèron aquela planta. L'indigòt se n'es aclimatat a las regions tropicalas e temperadas d'Asia coma a qualques regions d'Africa. Son abitat d'origina demòra alavetz desconegut, que sa cultura es anciana : en Índia, la planta foguèt cultivada pendent mai de 4000 ans.

Es un arbust naut d'un a dos mètres. Pòt èsser annadièr, biennal o renadiu, segon lo clima.

La tintura[modificar | modificar la font]

Pigment carmin d'indigòt

Autrescòps cultivat coma planta tintoriala, es una font primièra de l'indi, qu'es pus ecologic que las tinturas sinteticas, se vend encara uèi.

Per obtenir de tintura, las fuèlhas son en primièr banhadas dins d'aiga, puèi se daissa rebolir, e apareis l'indi, lo principi colorant que dona lo blau. Segon las dòsis ne pòt sortir de roge. Lo precipitat resultant de la fermentacion es mesclat amb una basa quimica fòrta (coma l'idroxid de sòdi). Çò qu'es comprimit, secat puèi transformat en polvera. Resulta una tintura mai que mai blava pururinada, e s'apond tanben d'adjuvants per balhar de matises.

Las fuèlhas de la planta s'utilizan tanben per colorar lo pel (henne)

Autras utilizacions[modificar | modificar la font]

Las fuèlhas e las racinas son utilizadas dins la medecina tradicionala de divèrses païses. En China, contra la fèbre, mals de ventre e depuratiu. En Africa del Sud, la racina trissada s'utiliza per calmar lo mal de caissal. Auriá tanben de vertuts emeticas.

Coma fabacea, es tanben cultivada per melhorar los sòls.

Sinonims[modificar | modificar la font]

Son considerats coma sinonims d'Indigofera tincturia:

  • Anila tinctoria (L.) Kuntze var. normalis Kuntze
  • Indigofera anil L. var. orthocarpa DC.
  • Indigofera argentea L., non Burm.f.
  • Indigofera bergii Vatke
  • Indigofera cinerascens DC.
  • Indigofera houer Forssk.
  • Indigofera indica Lam.
  • Indigofera sumatrana Gaertn.
  • Indigofera ornithopodioides Schum.
  • Indigofera orthocarpa (DC.) Berg
  • Indigofera tinctoria L. var. macrocarpa D.C.

Vejatz tanben[modificar | modificar la font]