Gabarra

Un article de Wikipèdia, l'enciclopèdia liura.
Lo pòrt de Bordèu amb sas gabarras, tablèu del pintor francés Manet (1871)

La gabarra (mot vengut possiblament del grèc karabos) es una mena d'embarcacion tradicionala de las tèrras occitanas, que se destina al transpòrt de merças mai que mai per flumes. Aqueste mot occitan es estat adaptat en francés jos la forma gabare o gabarre, en catalan coma gavarra e en espanhòl gabarra.

Las gabarras[modificar | Modificar lo còdi]

Gabarra navegant sus Dordonha

Lo nom gabarra se pòt referir a divèrsas menas d'embarcacions fluvialas presentas mai que mai dins las vias navegablas de la part occidentala del territòri occitan (Léger, Charanta, Dordonha e Garona).

Segon l'airal, las merças èran compausadas de produches agricòlas divèrses, de vins, de material de construccion (pèira d'Aspremont sus Leire per exemple) e mai de minerals o de produches metallurgics (ancoras e canons de Nivernés per exemple) e tanben de fusta.